ISAI 49:16 - Pathien Lekhabu Inthieng (BSI)

¹⁶ En ta, ka kutphaahai hin ka ziek che hi, i kul banghai chu ka hmaah a um zing a nih.

ISAI 49:16 ပူးပေါင်းရင်းမြစ်များ

FESUOKNA 13:9

Chun, Lalpa Dân chu i baua a um theina dingin, i mithai kâra hriet zingna ding le, i kuthai chunga nangma ta dinga inchikna dingin nîng a tih; Lalpa chun kut thahrâtin Aiguptaa inthawkin a ṭhuoi suok ta si che a.

HLAHAI HLA 8:6

I lungril chunga chun inchikna ang le, I bân chunga chun inchikna angin mi sie la; Hmangaina chu thina ang elin a hrât si a; Itthîkna chu thlân ang ela rilo a na; A chawkhai chu meichawk a na, Lalpa meichawkhai ngei chu.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 54:12

I sîp zumhai chu rubi lungin, i kawtkhârhai chu karbankle lungin, i kul po po chu lung mawihaiin siem ka tih.

ISAI 60:18

Nunsetaka thil thaw ri chu i ramah hriet ni ta naw ni a, râusanna le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawtkhârhai khawm, “Inpâkna” ti bawk i tih.

ISAI 62:6

Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni Lalpa hrietpuitua umhai, um ṭawk ṭawk dêr naw ro,

ISAI 62:7

ama khawm chu inumtir ṭawk ṭawk naw ro: Jerusalem hi a sukdet a, hnuoia hin inpâkuma a siem hmakhat chun.

JEREMIA 17:1

Juda suolna chu thîr kawlawm le, lunghlu hmawr zuma ziek a nih; an lungril lungphêka chun a kera ker a na, in maichâm kiahai le chun;

JEREMIA 22:24

Lalpa chun, ka hring zing angin, Jehoiakim naupa Konia chu ka kut changtienga kutsebi sûngphûm ni sienla khawm, chutaka inthawk chun hmalthlâng ka ti che;

HAGGAI 2:23

‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai Lalpa chun a tih; ‘nang hi inchikna namna angin siem ka ti che,’ Lalpa chun a tih; ‘nang hi ka lo thlang ta si che a,’ sipaihai Lalpa chun a tih ” tiin.