ISAI 49:13 - Pathien Lekhabu Inthieng (BSI)

¹³ Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; Lalpa chun a mihai chu a thlamuon si a, a mi rinum tuorhai khawm chu a lunginsiet ding a ni si a.

ISAI 49:13 ပူးပေါင်းရင်းမြစ်များ

1 CHANCHIN SUINA 16:31

Vânhai khi lâwmtakin um sienla, hnuoi khawm hi hlimtakin um raw se; Hnam tin lai chun, “Lalpa chu lalah a ṭhung a,” ti ro.

INPÂKNA HLABU 148:9

Tlâng lien le tlâng chîn po pohai, Thing ra nuom hai le, sidar thing po pohai;

INPÂKNA HLABU 65:13

Ran tlatna hmunhai chu ran ruolin a dâpin a dâp a, Ruomhai khawm chu buin ân zâwl hmur a; Hlimin an khêk a, hla an sak bawk a.

INPÂKNA HLABU 69:34

Hnuoi le vân chun ama chu inpâk raw se; Tuisuoriet le an sûnga thil châng thei taphawthai leh.

INPÂKNA HLABU 71:21

Nangin ka ropuina mi sukpungpêk la, Hung ngha nâwkin mi thlamuon rawh.

INPÂKNA HLABU 89:13

Nang chun bân thilthawtheitak i nei a, I kut chu a hrât a, i kut changtieng chu chawimawiin a um a.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 14:1

Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 49:14

“Nisienlakhawm, Zion chun, ‘Jehova chun a mi mâksan a, Lalpain a mi theinghil tah,’ a ti a.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

ISAI 54:7

Mitkhapkâr chau el ka mâk che a; nisienlakhawm, lunginsietna nasatakin ṭhuoi nâwk ka ti che.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zainêmnain lunginsiet ka ti che, Lalpa nangma intlantu chun a tih.

ISAI 55:12

Hlimtaka suokin, lungmuongtaka ṭhuoi suokin in um ding a ni si a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

JEREMIA 31:13

Chun, nunghâk inthienghai chu, tlangvâlhai le, upahai le chun lâmnaa chun hlim an ta; an lusûnna chu hlimnaah kân changtir ding a ni si a; chun, anni chu thlamuon ka ta, an lungngainaa inthawk chun sukhlim tâng ka tih.

JEREMIA 51:48

Chun, vân le hnuoi le an sûnga um po pohai chu Babulon chunga lâwm lei chun hla sak an ta; hmârtienga inthawkin a kuoma chun suksetu a hung ding a ni si a; Lalpa chun a tih.

EZEKIEL 35:14

Lalpa Pathien chun hieng hin a ti a nih: Leihnuoi pumpui chu a hlim pha chun, nang chu râusanah siem ka ti che.

LUKA 15:10

Ka hril cheu hi, chuong ang bawkin, mi suol pakhat sim chunga hin Pathien vântirkohai an lâwm hlak a nih.

2 KORINTH 7:6

Nisienlakhawm, inngaitlâwmhai thlamuongtu Pathien chun, Tita hungna chun a mi thlamuong ta a;