ISAI 48:9 - Pathien Lekhabu Inthieng (BSI)

⁹ Ka sukbohmang nawna ding cheuin, ka hming leiin ka lunginsen chu khêk hrîng ka ta, inpâk ka hlawna dingin in chungah insûm ka tih.

ISAI 48:9 ပူးပေါင်းရင်းမြစ်များ

INPÂKNA HLABU 106:8

Chuong sa khawm chun ama hming leiin anni chu a sandam ta a, A thilthawtheina ropuitak chu ân hriettir theina dingin.

INPÂKNA HLABU 143:11

Aw Lalpa, i hming leiin mi sukhar la; I felna leiin ka hringna hi lunginzîngnaa inthawkin ṭhuoi suok rawh.

INPÂKNA HLABU 25:11

Aw Lalpa, i hming leiin, Ka rîtlona ngaidam la, nasatak a ni si a.

INPÂKNA HLABU 78:38

Nisienlakhawm, ama chu lainatnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

INPÂKNA HLABU 79:9

Aw Pathien a mi sandamtu, i hming ropuina dingin mi ṭhangpui la, I hming leiin mi sanhim la, kan suolhai hi hung sâwp fai rawh.

THUVARHAI 19:11

Mihriem remruotthiemna hin ama chu lunginsen intak dingin a siem a, Bawsietna fe khêl chu ama ta dingin chawimawina a nih.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 37:35

Keima le ka siehlaw David leiin hi khawpui hi sanhim dingin ka hum ding a nih’ tiin,” a ti a.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 48:11

Keima le keima leiin, anih, keima le keima lei ngawtin a nih ka thaw ding chu; ka hming hi ieng dingin am suksietin um a ta? Ka ropuina hi mi dang kuomah pe naw ning ah.

ISAI 65:8

Lalpa chun hieng ang hin a tih, “Grêp bâwrah uoin thar an hmu a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

JEREMIA 14:7

Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

EZEKIEL 20:14

Chun, ka hming leiin, hnamhai anni mithmua anni ka hung ṭhuoisuoknahai, chuonghai mithmua chun hrilsiet a ni ding a ni nawh tiin ka thaw a.

EZEKIEL 20:22

Nisienlakhawm, an mithmua anni ka hung ṭhuoi suokna hnamhai mithmua chun sukhmingsiet a ni nawna dingin, ka hming leiin ka thaw a, ka kut chu ka keitîm ta a.

EZEKIEL 20:44

Chun, in lampui suolhai ang ni lova, in thilthaw khawhlohai ang khawm ni lova, ka hming leia nangni le sin ka thaw pha chun, Lalpa chu ka nih ti mi hre tâng in tih, Aw Israel sûngkuo, Lalpa Pathien chun a tih,” tiin.

EZEKIEL 20:9

nisienlakhawm, ka hming leiin, Aigupta rama inthawk anni hung ṭhuoi suoka an kuoma ka lo intârlang tâkna hmutu, an laia an umna hnamhai mithmua, hrilsiet ka ni nawna dingin, ka thaw a.

EZEKIEL 36:21

Nisienlakhawm, Israel sûngkuohaiin an fena tieng tienga an sukpawrche tah, ka hming inthieng chu ka lunginsiet a.

JOSUA 7:9

Kanaan mihai le hieng laia chênghai po po hin hrieng an ta, mi hung inhuol an ta, hnuoi chunga inthawk hin kan hming an sukbo dai ding a ni hi; i hming ropuitak ta ding hin ieng am i thaw ding a ni ta leh?” a ta.

1 SAMUEL 12:22

A hming ropuitak lei hin Lalpa chun a mihai chu a nghatsan âwm si naw a, a mihai ni dinga siem cheu chu Lalpa lâwm zâwngtak a ni si a.