ISAI 48:8 - Pathien Lekhabu Inthieng (BSI)

⁸ Anih, in nain in hriet ngai naw a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet si a.

ISAI 48:8 ပူးပေါင်းရင်းမြစ်များ

INPÂKNA HLABU 40:6

Inthâwina le thilinhlân chunga hin lâwmna hrim i nei naw a: Ka nahai hi i mi sukvarpêk ta a; Pumrawhmanga thilinhlân le suol ta dinga thilinhlân chu i phût nawh.

INPÂKNA HLABU 51:5

Ngai ta, rîtlonaa inngîrin ka um a, Ka nuin suolin a mi vawn a,

INPÂKNA HLABU 58:3

Mi rilohai chu an nu phîng sûnga inthawk hrimin Pathiena inthawka ṭhein an um a; An pieng phingleh khêlthu hrilin an invâk hmang hlak.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

ISAI 42:25

Chuleiin, a lunginsenna nasatna le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungrilin an ngaituo si nawh.

ISAI 46:8

Aw bawsetuhai, chu chu hre zing unla, insukpasal unla, hre suok nâwk ro.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

ISAI 48:4

Mi kâwmaw in na, in rîng chu thîr tha a na, in chal chu dâr a ni ka hriet leiin,

ISAI 48:7

Chuong chun inhmaa siem ni lovin, tuta siem a nih; vawisûn ni hma khan chu in na khawma in hriet ngai nawh; chuong naw chun, “Ngai ta, chuong chu kan hriet zing annâwm, ” ti rawi in tih.

ISAI 50:5

Lalpa Pathien chun ka na a mi sukhawngpêk a, kei chu ka hel naw a, ka ngha kîr bawk nawh.

ISAI 57:4

Tu am nuiza siemna dingin in hmang hlak a? Tu am in hner in phen khum a, in lei in thlâk khum hlak a? Bawsietna nau, khêlinhlipna thlahai ni lo am in nih?

JEREMIA 3:20

Anachu, nuhmeiin a pasal chu khawhlotaka a ṭhe angin, chuong ang tak chun ka chungah khawhlotakin i lo thaw ta tlat el a; Aw Israel sûngkuo,” Lalpa chun a tih.

JEREMIA 5:11

Israel sûngkuo le Juda sûngkuo chun ka chungah khawhlotakin an lo thaw ta si a, ”Lalpa chun a tih.

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

HOSEA 5:7

Lalpa chungah vervêktakin an thaw a nih; Hnam dang nauhai an nei si a; Thla thar chun an lohma chen leh bohmangna intlun a tih.

HOSEA 6:7

Nisienlakhawm, Adam angin thuthlung chu an bawsiet a, Chutaka chun vervêktakin ka chungah an thaw a nih:

HOSEA 7:9

Mikhuolhai chun a hrâtna an fâk zopêk a, Ama chun chu a hriet nawh; Hmul inṭuokin ama chu a bâwm nuol ta a, Ama chun chu a hriet nawh.

MALAKI 2:11

Juda chun khawhlotakin a lo thaw ta a, Jerusalem le Israel lai khawm chun tirdakumna chu thaw a lo ni ta a;Juda chun Lalpain inthiengna a hmangai chu a lo sukpawrchein, pathien danglam naunuhmei chu a lo nei ta a.

EPHESI 2:3

Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.

DÂN PAHNINA 31:16

Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.

DÂN PAHNINA 31:18

pathien dang tieng nghaa thil ṭha naw an thawhai po po lei chun an kuoma inthawkin kân thup ngei ngei ding a nih.