ISAI 48:20 - Pathien Lekhabu Inthieng (BSI)

²⁰ Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 48:20 ပူးပေါင်းရင်းမြစ်များ

2 SAMUEL 7:23

Aigupta rama inthawk le hnam tin le an pathienhaia inthawka i ta dinga în tlansuok, i mihai hmaa i ta dinga thil ropuitak le i ram ta dinga thil ṭiumtak thaw ding le ama hming ropuitak siem dinga Pathienin ama mihai ni dinga a hung intlansuok i mi Israelhai ang hrim hrim hi khawvêla hin hnam dang tu am an um a?

EZRA 2:1

Hienghai hi chu ram mihai, sala ṭhuoihmanga um, Babulon lal Nebukadnezzarin Babulon tienga a ṭhuoi hung suok nâwk a, Juda le Jerusalema mâni khuo tieng senga hung kîr nâwkhai chu an nih;

INPÂKNA HLABU 126:1

Lalpain Zion salhai a ṭhuoi kîr lai khan, Manga mangtuhai ang el ei na,

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 12:4

Chu nia chun hieng ang hin la hril in tih, “Lalpa kuoma chun lâwmthu hril unla, a thilthawhai chu mi tin kuomah inhriettir unla, a hming chu chawimawiin a um ti hril ro.

ISAI 24:14

Chuonghai chun an râwl insuong an ta, khêk an tih; Lalpa ropuina leiin tuisuorieta inthawkin inringtakin an khêk ie.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, Lalpa chawimawiin hla thar sak unla, leihnuoi tâwpa inthawk khawma ama inpâkna hla sak ro.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 44:22

In bawsietnahai chu sûm sâmup sukboin ka sukbo ta a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 48:6

In hriet de kha; hieng po po hi en ro; nangnîn in hril ding a ni lem ta naw am a nih? Tuta chen chu thil thar inhriettir tâng ka ti cheu, thil inthup in hriet ngai nawhai chu.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; Lalpa chun a mihai chu a thlamuon si a, a mi rinum tuorhai khawm chu a lunginsiet ding a ni si a.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 51:14

Sal ṭhuoi hmanga um chu inrangtaka insuoin um a ta, thiin khursûngah fe naw ni a, a bu chu um naw bawk naw ni.

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; Lalpa bûr le bêl chawituhai, inthiengtakin um ro.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

JEREMIA 31:10

Aw nangni hnamhai, Lalpa thu chu ngai unla, thlierkâr hlatakahai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 31:11

Lalpa chun Jakob chu ama nêka hrât lem kuta inthawk chun ân tlansuokin a sansuok ta si a.

JEREMIA 31:21

Lampui inchiknahai siem la, zui ding hmawlphunhai siem rawh, tlânglam tiengah, i fena lampui chu ngaituo la, kîr nâwk rawh. Aw nunghâk inthieng Israel, hieng i khawpuihai tienga hin kîr nâwk rawh.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 50:28

“Lalpa ei Pathien phubalâkna a biekin phubalâkna ngei chu Ziona hril ding a nih.

JEREMIA 50:8

Babulona inthawk chun tlânsuok unla, Kaldaihai rama inthawk chun fe suok unla, kêl ruol hmaa kêlchal ang ni ro.

JEREMIA 51:45

“Ka mihai, a sûnga inthawk chun fesuok unla, mi tin chu Lalpa lunginsenna ṭiumtaka inthawk chun insandam seng ro.

JEREMIA 51:48

Chun, vân le hnuoi le an sûnga um po pohai chu Babulon chunga lâwm lei chun hla sak an ta; hmârtienga inthawkin a kuoma chun suksetu a hung ding a ni si a; Lalpa chun a tih.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

ZEKARIA 10:8

An ta dingin faifûk ka ta, anni ko khâwm ka tih; anni chu kân tlan ta si a; a lo pung ta ang bawk khan hung insukpung an tih.

ZEKARIA 2:10

Aw Zion naunu, hlim la, hla sak rawh, en ta, ka hung mêk a, nangni lai chun ka chêng ding a ni si a, Lalpa chun a tih.

DÂN PAHNINA 30:4

Nangni laia mi kâwlkawdawng chena hnawtdawk an um chun, Lalpa in Pathien chun chutaka inthawk chun ṭhuoi khâwm a ti cheu a, chutaka inthawk chun ṭhuoikîr nâwk a ti cheu.

THUPUONGSUO 18:20

“Aw vân le nangni mi inthienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 18:4

Chun, vâna inthawkin rawl dangin hienghin a hril ka hriet, “Ka mihai, an rîtlonaahai in ṭhangnawna ding le, a hremnahai in hmu ve nawna dingin a sûnga inthawkin suok ro.