ISAI 48:18 - Pathien Lekhabu Inthieng (BSI)

¹⁸ Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 48:18 ပူးပေါင်းရင်းမြစ်များ

INPÂKNA HLABU 119:165

I dân ngainatuhai chun thlamuongna nasatak an nei a, Tlûkna hrim hrim an nei nawh.

INPÂKNA HLABU 36:8

Anni chu i insûng thil ṭhain tlai bêk bêk an ta, I lâwmna vadunga mi chu indâwntir bawk i tih.

ISAI 33:21

Chutaka chun Lalpa, vadung lientak tak le, vadungtêhai um nghên nghuonna hmun chu, ropuitakin ei kuomah um lem a tih; chuong tui chunga chun indona lawng lientak kheraval nei mi hrim hrim fe naw ni a, lawng lien ropuitak khawma fe khêl bawk naw nih.

ISAI 42:24

Tuin am Jakobhai râllâka la dinga pe a, Israelhai inruhai kuoma pe chu? Lalpa a chunga thil ei suksuolna chun a pêk a ni naw am a nih? a lampuiahai an fe nuom si naw a, an dân thu hlak an awi si nawh.

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei Lalpa hin chu chu ka siem a nih.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 62:1

A felna chu varna anga ân suo a, ama sandamna chu khâwnvar chawk anga ân suo hmakhat chun, Zion leiin to zing naw ninga a, Jerusalem leiin um ṭawk ṭawk naw ningah.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

AMOS 5:24

Nisienlakhawm, rorêlnahai chu tuihai angin le felna chu vadungpui angin luong raw se.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhawtluongin an tluongtlung hle ding bah!