ISAI 48:17 - Pathien Lekhabu Inthieng (BSI)

¹⁷ Lalpa, nangni intlantu, Israelhai Mi Inthieng chun hieng ang hin a tih, “Kei hi Lalpa in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

ISAI 48:17 ပူးပေါင်းရင်းမြစ်များ

INṬANNA 24:48

Chun, ka lu ka kûn a, Lalpa chu chibai ka bûk a, Lalpa, ka pu Abraham Pathien, ka pu laibungpa naunu hi a naupa ta dinga nuhmeia neipêk dinga lampui indiktaka mi ṭhuoitu chu kân pâk bawk a.

1 LALHAI 8:36

nangin vâna inthawkin lo ngai la, i siehlawhai le i mi Israelhai suolna hi ngaidam la, an fena ding lampui ṭha khîkhmu pei la, chun, i mihai an rochan dinga i pêk rama hin ruo hung insûrtir bawk la.

JOB LEKHABU (THE BOOK OF JOB) 36:22

Ngai ta, Pathien chun a thilthawtheinain insângtakin a thaw a, Ama ang inchûktirtu tu am an um a?

INPÂKNA HLABU 25:12

Lalpa ṭi mi chu tu am a na? Ama chu a lampui thlang ding chu lân entir a tih.

INPÂKNA HLABU 32:8

I fena ding lampui chu inchûktirin, kâwkhmûng ka ti che a, Ka mita en zing pum chein rem ruotpêk ka ti che.

INPÂKNA HLABU 71:17

Aw Pathien, ka naupangtea inthawk nangin i mîn chûktir a, Tu chen hin i thilmak thawhai chu kân hriettir hlak.

INPÂKNA HLABU 73:24

Nangin i remruotnain mi ṭhuoi i ta, Chu hnunga chun ropuinaa khin mi lâwm i tih.

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

ISAI 28:9

Hrietna tieng chu tu hîm ân chûktir ding a ni leh? Thucha chu tu hîm ân hriettir ding a ni leh? Nene nêk bân chauhai le nêne innêktir ta lohai hîm an ni ding?

ISAI 30:20

Lalpa chun lunginzîngna bu le rinumna tui pe sienla cheu khawm, in inchûktirtuhai chu inbihmangin um ta naw ni hai a, in mitin in inchûktirtuhai chu hmu lem tâng a tih;

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

ISAI 43:14

Lalpa, nangni intlantu, Israelhai Mi Inthieng chun hieng ang hin a tih, “Nangni leiin Babulon khuoa chun sipaihai ka tir a; chuongchun, an rêng chun, Kaldaihai chu, an lâwmna lawngpuiahai chun mi tlân hmang ṭhuoiin ṭhuoi thlâng ka tih.

ISAI 43:16

Lalpa chun hieng ang hin a tih: tuipuia lampui siemtu le, tui nasatakhaia lam siemtu;

ISAI 45:11

Lalpa Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 54:5

Nangma siemtu chu i pasal a ni si a; a hming chu sipaihai Lalpa a nih; Israelhai Mi Inthieng chu nangma intlantu a ni bawk a nih; ama chu khawvêl po po Pathien tîng an tih.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zainêmnain lunginsiet ka ti che, Lalpa nangma intlantu chun a tih.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

EPHESI 4:21

a rawl chu in ngai ta a, ama inchûktirhai in ni angin Isua thutak um chu inchûktirin in um ta a.

JOSUA 3:4

Amiruokchu, nangni le chu inkâr chu inkhia tawng sâng hni amanih a ni ding a nih; hnai hlek naw ro, chuongchun, in fena ding lampui chu hre thei in ta, kha hma khan hi lampui hi in la hraw ngai si naw a,” tiin, mipuihai chu thu a pêk a.