ISAI 48:1 - Pathien Lekhabu Inthieng (BSI)

¹ Aw Jakob sûng, Israel hming inṭâwmpuia, Juda tuihaia inthawk suok a, thutakah ni si lova, felnaa khawm ni bawk si lo, Lalpa hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

ISAI 48:1 ပူးပေါင်းရင်းမြစ်များ

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i buon a, i hne ta si a,” a ti a.

INṬANNA 35:10

Pathien chun a kuomah, “I hming hi Jakob a ni a, i hming hi Jakob ti nâwk ta naw ni hai chea, i hming chu Israel ni lem tâng a tih,” a ta; chuongchun, a hminga chun Israel ti a ni ta a.

2 LALHAI 17:34

Kha hmaa an thaw dân angin tu chen khawm hin an la thaw zing a nih; Lalpa chu an ṭi naw a, Lalpain Jakob thla Israelhai tia ân bûkhai kuoma a pêk thuruothai, rorêlhai, dânhai le thupêkhai khawm an zâwm bawk nawh.

2 LALHAI 5:20

Nisienlakhawm, Pathien mi siehlaw Gehazi chu, “Khâwm, ka pu hin Suria mi Naaman hi a thil hung chawihai hi la lovin ân fetir nâwk el a, Lalpa hringna sâlin ka hril a nih, va hnawt ka ta, ieng amanih bêk va lapêk ka ti a,” a ta.

INPÂKNA HLABU 63:11

Lal ruok chu Pathienah hlim a ta, Ama sâla inkhâm taphawt chun ama chu suong an tih; Khêl hril hmanghai bau chu hipin a um ding a ni si a.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

INPÂKNA HLABU 68:26

Inkhâwmnaahai hin Pathien inpâk unla, Israel tuihnâra suokhai, Lalpa chu inpâk ro.

INPÂKNA HLABU 68:27

Chutaka chun nau mitlum Benjamin an rorêltu a um a, Judahai mi lien le an upahai, Zebulunhai mi lienhai, Naphtalihai mi lienhai leh.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

THUVARHAI 5:16

I tuihnârhai chu inluongdartira umin, Khawlaidungahai chun vadungpui tui chu ân dar el ding maw?

ISAI 26:13

Aw Lalpa kan Pathien, nang chau ni lovin, lal dang khawma kan chungah thu an nei ta hlak a, nisienlakhawm, nangma ṭhangpui ngeiin i hming hi lam tâng kan tih.

ISAI 44:5

Mi pakhatin Lalpa ta ka nih tîng a ta, mi dangin Jakob hming inbûk a ta; mi dangin a kutah, Lalpa ta tiha ziekin, Israel hming chu a chi hmingah hmang a tih,” tiin.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 51:1

Felna hnawttuhai, Lalpa zawngtuhai, ka thu hi lo ngai ta u; nangni sutna lungpui tieng le khursûnga nangni cho suokna khur tieng kha en ta u.

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

ISAI 62:8

Lalpa chu a changtieng le a bân hrâttak sâlin ṭawng ân khâm ta a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 64:6

Mi inthieng naw angin kan lo um vawng ta si a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

ISAI 65:16

chuongchun, hnuoia hin mâni le mâni mal insâwm fâwmtu chu thutak Pathiena chun mal insâwm a ta; hnuoia hin ṭawng inkhâmtu chu thutak Pathien sâlin ṭawng inkhâm a tih; kha hmaa lunginzîngnahai chu theinghila a um ta leiin le ka mita inthawka thupa a um ta leiin.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 44:26

Chuleiin, Aigupta rama Juda chêng po pohai, Lalpa thu chu lo ngai ta u: Ngai ta u, ‘Lalpa Pathien chu a hring zing angin,’ tiin, Aigupta ram po poa Juda mi tukhawm baua chun ka hming chu lam a ni ta nawna dingin, ka hming ropuitak chu sâlin ṭawng kân khâm a nih, Lalpa chun a tih.

JEREMIA 5:2

“Lalpa chu a hring zing angin,” an ti dea chu, inkhêl letdêra inkhâm el an nih.

LEVI DÂN 19:12

In Pathien hming hrilse dingin ka hming sâlin khêlin in inkhâm ding a ni nawh; Kei hi Lalpa in Pathien chu ka nih.

MIKA 2:7

Aw Jakob sûnghai, Lalpa thlarau chu hnâwdein a um am a nih? Hieng hi a thilthaw am a ni ti a ni dîm a nih? Indiktaka umhai chunga chun ka thu hin thil ṭha a thaw naw am a nih?

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, Lalpa hminga ṭawng inkhâma betuhai le;

ZEKARIA 5:3

Chun, ka kuoma chun, “Hi hi ṭawngsie ram pumpui chunga fe suok hlak chu a nih, tukhawm inru taphawt chu phêk khingkhata ziek anga pei thlâk nîng a ta, tukhawm inkhâm taphawt chu phêk khingtienga ziek anga pei thlâk a ni ding a ni si a,” a ta.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

NAMBAR 24:7

A bâlṭina inthawkin tui luong suok a ta, A chi chu tui tamtakahai chun um a ta, A lal chu Agag nêkin ropui lem a ta, A ram chu chawimawiin um a tih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

JOHAN 1:47

Isûn Nathanael a kuoma hung ding chu a hmu a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

JOHAN 4:24

Pathien chu Thlarau a nih; ama chibai bûktuhaiin thlarau le titaktakin chibai an bûk ding a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:17

Nisienlakhawm, nang Juda hming put i ni si a, Dân chu i ringsan a, Pathien i suong a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:6

Nisienlakhawm, Pathien thu chu iengkhawm ni lo anga um ta a ni naw a. Israelhai chu Israel mi an ni vawng chuong nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:8

Chu chu, taksa nauhai chu Pathien nauhai an ni naw a, thutiem nauhai chu Abraham thlaa ngai an nih tina a nih:

DÂN PAHNINA 10:20

Lalpa in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 33:28

Chun, Israel chu râlmuongtakin a um a, Jakob tuisunsuo chu a pumbil a, Bu le uoin rama chun, Anih, a vânhaiin dâidâw an infartir a,

DÂN PAHNINA 5:28

Chun, in mi biek laia in thu hril chu Lalpain a lo hriet a, ‘Hieng mipuihai hin i kuoma thu an hril chu ka lo hriet a; an thu hril po po chu an hril dik ngawt el.

DÂN PAHNINA 6:13

Lalpa in Pathien chu in ṭi ding a na, ama rawng chu bâwl in ta, a hming chau sâlin ṭawng in inkhâm ding a nih.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni lova, Setan inkhâwmna inhai ni lem si a, Juda intihai i hrilsiet zie dâm ka hriet.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.