ISAI 47:6 - Pathien Lekhabu Inthieng (BSI)

⁶ Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 47:6 ပူးပေါင်းရင်းမြစ်များ

2 SAMUEL 24:14

Chun, David chun Gad kuomah, “Ka lunginzîng hle el a, Lalpa kutah tlulût phawt el lang; a zângaina chu a nasa hle si a; mihriem kuta chen chu mîn tlûklûttir naw hram rawh,” a ta.

2 CHANCHIN SUINA 10:11

Tuhin ka pain rîngkawl rik a lo inphurtir ta cheu a; kei chun in rîngkawl chu belsâng ka tih; ka pain vuoknain a lo hrem cheu a ni chun, kei chun ainuvêtin hrem ka ti cheu,’ tiin,” an ti a.

2 CHANCHIN SUINA 28:9

Amiruokchu, Lalpa zâwlnei chutaka chun a lo um a, a hming chu Oded a nih; ama chu sipai ruol Samariaa hung lût dinghai chu tuok dingin a fe a, an kuoma chun, “Ngai ta u, in thlatuhai Pathien Lalpa chu Juda ram chunga chun a lunginsen leiin anni chu an kutah a pêk ta a, chun, anni chu lunginsenin in that a, chu chu vânah a hang tlung tah a nih.

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

2 CHANCHIN SUINA 36:20

Kâwlhnâma inthawka lo suok tahai chu Babulon tieng a ṭhuoi a; Persia ram rorêl a ni chen khan anni chu a nauhai le ama siehlawhai an na;

EZRA 5:12

Nisienlakhawm, chu hnunga chun kan thlatuhai chun vân Pathien chu an lo suklungsen a, ama chun Kaldai mi, Babulon lal, Nebukadnezzar, hi in hi suksea, mihai chu Babulon tienga ṭhuoi sâwngtu kuta chun a pêk ta a.

INPÂKNA HLABU 69:26

I ivuok chu an suknawmna a, I înhliemhai lungngaizie chu an hril si hlak a.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 13:16

An nautêhai khawm an mithmuah innâwi dar khawpa hnuoi vuoknaa hmangin um an ta, an inhai chu rawkin um a ta; an nuhmeihai chu pâwngsuol tuokin um bawk an tih.

ISAI 14:17

khawvêl thlalêr anga siem a, a khaw umhai sukbohmang a, a salhai an in tienga fe dinga insuo ngailo chu,’ tiin, i chanchin la sût an tih.

ISAI 14:6

mi tin lunginsen puma vaw zawt zawt hlak a, hnam tin lunginsen puma tu ikhap khawm ngai lova suknawmnatnaa ro rêlpêkna hlak chu.

ISAI 43:28

Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngsephurah siem ka tih; Israelhai chu insêlna bûrah siem bawk ka tih.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon naunu, nangma chunga chun, indonaa mi angin, mi tin chu an intlar a nih.

ṬAP HLA 1:14

Ka bawsietnahai chu rîngkawlah a khitde a, Ama kuthai ngeiin a khit têl a; Ka rîngah ân bâttir a, ka hrâtna a châu ta a, Ka ido zo lohai kutah Lalpa chun a mi pêk ta a.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i puong ta chu la hung intlungtir i ta, anni khawm keia ang bawk nîng an tih.

ṬAP HLA 2:2

Lalpa chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm ta a.

ṬAP HLA 4:16

Lalpa lunginsenna chun anni chu a ṭhe a, ngaisak nâwk ta naw ni; Thiempu mi nina chu an inza naw a, upahai khawm an ditsak bawk nawh.

ṬAP HLA 5:12

Lal nauhai chu an kut ngeiin an khâi hlum a; Upahai hmâi inzâna hrim a um nawh.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 28:16

I sumdâwngna thil tam taluot leiin, I sûng chu inpâwngnêknain an suksip ta a; Thil i suksuol a, chuleiin, sukpawrchea um angin, Pathien tlânga inthawk chun ka hnawt suok ta che a, Ka suksiet ta che a nih, aw inkhumtu cherub, Mei lunghai laia chun ka suksiet che a nih.

OBADIA 1:10

I unaupa Jakob chunga inpâwngnêkna leiin inzaknain inkhum a ti che a, kumkhuoa sukbohmangin um i tih.

OBADIA 1:16

Ka tlâng inthienga in dâwn ta ang khan, hnam po po chun an dâwn rawp âwm si a; anih, dâwn an ta, lem an ta, pieng naw ang elin um an tih.

ZEKARIA 1:12

Chun, Lalpa vântirko chun a dawn a. ‘Aw sipaihai Lalpa, kum sâwmsari sûng rau an chunga nasataka lunginsenna i nei, Juda khawpuihai le Jerusalem chunga hin ieng chen am zângaina nei lovin i um ding a na?’ a ta.

ZEKARIA 1:15

Chuongchun, hnam nuomsaa umhai chunga chun ka lungni naw êm êm a; lungni naw dep chu ka ni de a, anni chun sukrinumna chu an sukzuol pei si a, tiin,’ a ta.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

DÂN PAHNINA 28:50

upahai khawm pawisa lo le ṭhalaihai khawm ditsak chuong lo hnam nunrâwngtak el chu.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.