ISAI 47:14 - Pathien Lekhabu Inthieng (BSI)

¹⁴ Ngai ta, bupâwl ang el nîng an ta; meiin kâng a tih; meichawk thilthawtheinaa inthawk chun insanhim naw ni hai a; insuklumna ding meihawl ang khawm ni naw ni a, awi ding mei ang khawm ni bawk naw ni.

ISAI 47:14 ပူးပေါင်းရင်းမြစ်များ

FESUOKNA 5:12

Chuongchun, mipuihai chu Aigupta ram sûng po poa chun bupâwl aiah bu kûng la khâwm ding chun an indar ta sup sup a.

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbohmang a tih, hmawlin thing ni lo mihriem ân let lem ang elin maw!

ISAI 30:14

Chuongchun, bêlhemtu bêl chu an suknawi ang hin, hla um dêr lova kawinawiin, a hlek laia, behâr thuka mei lâkna ding amanih, tuikhura tui thâlna ding amani khawm um lo khawpin, sukkawi nawi a tih,” tiin.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 40:24

Anih, phun an ni naw a, anih, tu an ni nawh; anih, an kûng chun hnuoiah zung a kei nawh; chu nawa khawm, ama chun anni chu a mût a, an vuoi a, thlivirin busi a lâk hmang angin a lâk hmang hlak.

ISAI 41:2

Khawsaka inthawkin mi pakhat, felna leia a ke bula a iko chu, tuin am a keihar a? ama chun hnam tin a hmaah a pêk a, lalhai chungah ro ân rêltir a, anni chu pilvut angin a kâwlhnâm kuomah a pêk a, busi thli imût lêng angin a thalngul kuomah a pêk bawk a.

ISAI 44:16

Chu thing chu aṭhen chu meiah a ti a, aṭhen chu sa fâkna dingin a hmang a; sa a raw a, a tlai hlak; anih, mei lum a awi a, “Chei, ka lum tah, mei hmêl ka hmu ta le!” a ti a.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni ta a; a chêngna hmunhai chu meia rawin a um a, ân huonna thîrhai khawm chu sukthliekin a um ta a.

JEREMIA 51:32

fenahai chu khârin a um a, phairuonghai chu meiin an raw a, indo mihai khawm chu suklâuin an um ta a,” tiin.

JEREMIA 51:58

Babulon kulbang lientakhai khawm chu sukchim nîng an ta, a dai kawtkhârhai chu meia raw nîng an ta, a mipuihai chu a thlâwn elin inrim an ta, hnamhai khawm chu mei leiin inrim an ta, sipaihai Lalpa chun a tih”tiin.

EZEKIEL 15:7

An chunga chun ka hmai innghat ka ta; meia inthawk chun fe suok sienkhawm mei bawkin anni chu kânghmang a tih; chun, chuonga anni chu ka hmai kân nghat pha chun Lalpa chu ka nih ti mi hre tâng an tih.

JOEL 2:5

Indona tawlailîr ri angin tlâng chunga chun an kat sup sup a, pâwl kâng chawk dur dur ang le indonaa mipui hrâttak inzosa angin.

OBADIA 1:18

Jakob sûnghai chu mei nîng an ta, Josef sûnghai chu meichawk nîng an tih. Esau sûnghai chu bupâwl ding nîng an ta, anni lai chun chawk an ta, kâng hmang vawng an tih; Esau sûnghai chu a mahla hrim um naw ni hai; Lalpa chun a ti ta si a.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

THUPUONGSUO 18:21

Chun, vântirko hrâttak hin burawtnawina lung lientak ang hi lung a lâk a, tuipuiah a peithlâk a, “Babulon khaw ropui chu hieng anga nasa hin peithlâk nîng a tih, tûkhawmin hmu nâwk ta naw tawp an tih.