ISAI 47:12 - Pathien Lekhabu Inthieng (BSI)

¹² În vêngna le i dâwi hmangna, i naupangtea inthawka în suksâwl hlaknahai chu ngîrpui ta la; i ṭhathnempui thei ding phawt a, i hnepui thei ding phawt chun.

ISAI 47:12 ပူးပေါင်းရင်းမြစ်များ

INPÂKNA HLABU 129:1

“Ka naupang chîntea inthawk mihaiin vawi tamtak an mi suklungzîng a,” Israelhaiin ti raw se.

FESUOKNA 7:11

Chun, Pharao khawmin mi varhai le dawithiemhai a ko khâwm a, Aigupta aisânthiemhai khawm chun dawi hmangin chuong ang tak chun an thaw ve ta a.

FESUOKNA 8:7

Chun, aisânthiemhai khawm chun an dawi hmangin chuong ang tak chun an thaw a, Aigupta ram chunga chun uṭawkhai chu an hung suok ve a.

FESUOKNA 9:11

Chun, khuoihlihai lei chun aisânthiemhai chu Mosie hmaa chun an ngîr thei ta naw a; chu khuoihli chu Aigupta mihai po po le aisânthiemhai chunga khawm a um seng si a.

ISAI 19:3

Chuongchun, Aigupta mihai thlarau chu an sûnga chun iengkhawm ni lova siemin um a ta; an remruot chu suksieng ka tih: chuongchun, milimhai le, aikeithiemhai le, khawhri aisânthiem zâwlhai le, dawithiemhai chu râwn an tih.

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam si a, Aw Juda.

EZEKIEL 21:26

Lalpa Pathien chun hieng hin a tih: Lallukhum chu sawn la, lallukhum chu la hmang rawh; hi hi a pângngai zing ni ta naw ni; ân hnuoi chu chawisâng la, ân sâng chu sukhnuoi rawh.

DANIEL 2:11

Lal thil dit dân hi thil vâng tak a nih; taksaa chêng nilo pathienhai ti chau naw chu tukhawm lal hmaa inentir thei ding hrim hrim an um nawh,” an ta.

DANIEL 2:2

Chun, lal chun a manghai chu hrilfie dingin mitvaidawithiemhai, aisânthiemhai, dawithiemhai le Kaldai mihai chu ko dingin thu a pêk ta a. Chuongchun, anni chu an hung lût a, lal hmaa chun an ngîr ta a.

DANIEL 5:15

Tuhin, hi lekhaziek hi an tiema a umzie an mîn hriettir theina dingin mi varhai le aisânthiemhai chu ka hmaah ṭhuoi lûtin an um a; nisienlakhawm, thil umzie chu an inentir thei naw a.

MIKA 3:7

Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si naw a.

NAHUM 3:4

chuong chu, nawchizawr hmêl ṭha, dawithiemnu, a uiretna leia hnam zawr a, dawi chîngna leia sûngkuo zawrtu uiretna nasatak leia hung um a nih.

NAMBAR 22:25

Chun, sabengtung chun Lalpa vântirko chu a hmu a, pal chu a va hneng a, Balaam ke chu pala chun a hneng de a; chuongchun, Balaam chun a vuok nâwk a.

THUPUONGSUO 9:21

An tuolthathai khawm, an dawi hmanghai khawm, an indithai khawm, an inrûkhai khawm an sim chuong nawh.