ISAI 46:9 - Pathien Lekhabu Inthieng (BSI)

⁹ Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 46:9 ပူးပေါင်းရင်းမြစ်များ

JOB LEKHABU (THE BOOK OF JOB) 10:13

Amiruokchu, hieng thilhai hi nang chun i lungrila chun i thup a, Hi hi i kuomah a um ti ka hriet a nih.

INPÂKNA HLABU 111:4

Ama chun a thilmak thawhai chu ân hriet zingtir a, Lalpa chu mi lunginsiet theitak, lainatnaa sip a nih.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

FESUOKNA 8:10

Ama chun, “Zînga leh,” a ti a. Ama chun, “I thu ang peiin ni raw se: Lalpa kan Pathien ang hi mi tukhawm an um nawh ti i hriet theina dingin.

FESUOKNA 9:14

Hnuoi chung po poah keima ang tukhawm an um nawh ti i hriet theina dingin, tuta ṭum hin chu, i mihai le i siehlawhai le nangma chunga ngei ka hri po po ka hung tir ding a ni si a.

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 41:27

Keiin Zion kuoma chun, “En ta, anni saw en ta,” ti hmasâng ka ta; Jerusalem kuoma chun chanchin ṭha hung intluntu pakhat pêng ka tih.

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” Lalpain a tih, “Ka um hma chun pathien hrim hrim inngîr an um naw a, ka um hnunga khawm um bawk naw ni hai.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

ISAI 46:5

Thuhmuna ngai kan nina dingin tulêm in mi tekhi a, tu tluk âm in mi siem a, tu lêm mi hrilkhîng in ta?

ISAI 48:3

Kha hma thilhai chu tiena tlângah ka lo hril ta a, anih, ka baua inthawkin a suok a, kân hriettir a; kârlovin ka muolsuo thut a, a hung tlung ta a.

ISAI 65:17

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw ni a; lungrila khawm lût ta bawk naw ni.

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlanga um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

JEREMIA 50:44

“Ngai ta u, umhmun det chu doin, Jordan chaponaa inthawk chun sakeibaknei angin hung suok a ta; amiruokchu, amaa inthawk chun intlânsiettir vak ka tih; chun mi ama chunga thunei ding chun ruot ka ta; kei ang hi tu am an um hrim a? Tuin am hun mi ruotpêk a ta? Berâm vêngtu ka hmaa ngîr ding chu tu am a na?

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

JOEL 2:27

Chun, Israelhai lai hin ka um ti le, Lalpa in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

DÂN PAHNINA 32:7

Kha hma nihai kha hre zing la, Suon tamtak kumhai chu ngaituo ro: I pa indawn la, khîkhmûng a che; I upahai khawm, hril an ti che.

DÂN PAHNINA 33:26

“Aw Jeshurun,i Pathien ang tukhawm an um dêr nawh, A ṭhangpui ding chea vânhaia inthawka hung a, A ropuinaa vân boruokhaia inthawka hung chu.