ISAI 46:8 - Pathien Lekhabu Inthieng (BSI)

⁸ Aw bawsetuhai, chu chu hre zing unla, insukpasal unla, hre suok nâwk ro.

ISAI 46:8 ပူးပေါင်းရင်းမြစ်များ

INPÂKNA HLABU 115:8

Chuong siemtuhai chu chuong ang bawk chun um an ta, Anih, chuong ringtu taphawthai chu.

INPÂKNA HLABU 135:18

Chuong siemtuhai chu chuong ang bawk chun um an ta, Anih, chuong ringtuhai po chu.

ISAI 47:7

Chun, “Kei hi kumkhuoin lalnuah um ka tih,” i ti a; chuongchun, chuong thilhai chu i lungrilin i ngaituo naw a, a tâwpna ding hlak chu i hriet zing bawk naw a.

ISAI 48:8

Anih, in nain in hriet ngai naw a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet si a.

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

EZEKIEL 18:28

Ama chun a ngaituo a, a lo thaw tah, a bawsietnahai po poa inthawk chun ân her hmang tâk leiin thi naw ni a, hring ngei ngei a tih.

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

HAGGAI 1:7

Sipaihai Lalpa chun hieng hin a tih; “In lampuihai ngaituo ro.

LUKA 15:17

“Chun, ân hriet suok phingleh, ‘Ka pa kuoma inhlâwfahai bu fâk sêng lova nei an tam vei leh, kei hlak chu hitaka hin phîngṭâmin ka thi ding a ni si a!

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.