ISAI 46:6 - Pathien Lekhabu Inthieng (BSI)

⁶ Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

ISAI 46:6 ပူးပေါင်းရင်းမြစ်များ

1 LALHAI 12:28

Chuongchun, lal chun mi a râwn a, rângkachak bâwngte lim, pahni a siem a, an kuoma chun, “In ta dingin Jerusalem khuoa hang fe chu ân tak talaw êm a, aw Israelhai, en ta u; Aigupta rama inthawka ṭhuoi suoktu cheu in pathienhai hi,” a ta.

INPÂKNA HLABU 115:7

Kuthai an nei a, iengkhawm an tâwk thei si nawh. Kehai an nei a, an lâwn thei si naw a, An hnukin an ṭawng thei si nawh.

FESUOKNA 32:8

an kuoma thu ka pêka inthawk chun an pêt hmang nghâl el ta a; bâwngte lim sung an insiemfâwm a, an biek a, a kuomah an inthâwi a, ‘Aw Israel, Aigupta rama inthawka ṭhuoi suoktu che i pathien a ni hi,’ an ti a,” tiin.

ISAI 2:8

An ram chu milimin a sip a, anni kuta thaw suok, anni kutpârhaia siem chu an biek hlak.

ISAI 30:22

Chun, in tangkaruo milim siem, tangkaruoa cheina le in rângkachak milim sung, rângkachak tuia inluonna chu, suksieng in ta, thil pawrche angin pei tâng in tih; a kuoma chun, “Fe hmang dai rawh,” tîng in tih.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

JEREMIA 10:14

Mi tin el chu ngawngtak, hrietna nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, annia chun inthuokna a um si naw a.

JEREMIA 10:9

Tangkaruo thlênghaia sut, Tarsisa inthawka hung lâkhai le, Uphaza inthawka rângkachak, themthiem le rângkachak thîrsu kuthai sinthaw chu: a dum pâwl le a dum êm chu an thuom dingin, mi themthiemhai kutsuok vawng an nih.

JEREMIA 50:38

A tuihai chunga chun kangna a um a, kangchat an tih; milem kerfâwm ram a na, milimah an invêt ri ngawt el a ni si a.

DANIEL 3:1

Lal Nebukadnezzar chun rângkachak milim a siem a, ân sângzie chu tawng sâwmruk a na, a khangtieng chu tawng ruk a nih; Babulon biel sûnga Dura phaizâwla chun ân ngîrtir ta a.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

THILTHAWHAI 17:29

Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiemna le ngairuotnaa suthai ang hi ni dingin ei ngai ding a ni nawh.