ISAI 46:13 - Pathien Lekhabu Inthieng (BSI)

¹³ chuongchun, ka ropuina Israelhai ta dingin sandamna chu Ziona chun sieng ka tih.

ISAI 46:13 ပူးပေါင်းရင်းမြစ်များ

INPÂKNA HLABU 14:7

Israelhai sandamna chu Ziona inthawkin hung suok sienla chu aw! Lalpa chun a mihai sala an um chu a ṭhuoi kîr nâwk pha chun, Chu pha chun Jakob rawi hlim tâng an ta, Israel lâwm tâng an tih.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

INPÂKNA HLABU 46:5

Pathien chu a lai takah a um a, inhnîng naw ni a, Pathienin khawfingchat pha chun ṭhangpui a tih.

INPÂKNA HLABU 85:10

Ngilneina le thutak ân tuok a, Felna le remna an infâwp a.

INPÂKNA HLABU 85:9

A sandamna chu ama ṭituhai hnaia chun a um ngei ngei hlak a nih; Ei rama hin ropuina a um theina dingin.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei Lalpa hin chu chu ka siem a nih.

ISAI 51:5

Ka felna chu a hnai a, ka sandamna chu a suok ta a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

ISAI 56:1

Lalpa chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta si a.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 62:1

A felna chu varna anga ân suo a, ama sandamna chu khâwnvar chawk anga ân suo hmakhat chun, Zion leiin to zing naw ninga a, Jerusalem leiin um ṭawk ṭawk naw ningah.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

JOEL 3:17

Chuongchun, Lalpa in Pathien ka tlâng inthieng Ziona chêng ka nih ti hrieng in tih; chuongchun, Jerusalem khuo chu inthieng a ta, mikhuol tukhawm fethleng nâwk ta dêr naw ni hai.

MIKA 7:9

Lalpa chunga chun thil ka suksuol ta leiin, a lungninawna nasatak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

HAGGAI 1:8

Tlâng rama chun hang fe unla, thing hung la unla, in chu bâwl ro; chuongchun, a sûnga chun inhawi tîng ka ta, chawimawiin um bawk ka tih,” Lalpa chun a tih.

JOHAN 17:10

Thil po po ka ta taphawt chu i ta a nih, i ta chu ka ta a nih; anni leiin chawimawiin ka um hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi si a) makti dinga a hung nia chun.

2 THESSALONIKA 1:12

Chuongchun, ei Pathien le, ei Lalpa Isu Krista lunginsietna ang peiin ei Lalpa Isu hming chu nangnia chun chawimawiin um thei a ta, nangni khawm amaa chun chawimawiin um thei in tih.

HEBRAIHAI 10:37

“Sawt nawtê hnungah, A hung ding chu a hung ding a ni si a. Sâwt riel ta naw nih.

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.