ISAI 46:1 - Pathien Lekhabu Inthieng (BSI)

¹ Bela chu a lo kûn zing a, Nebo chu a lo insukhnuoi zing bawk a; an milimhai chu ran chunga le sa chunga chun an dawm kai ta a; Milim phurlawna umhai chu phurrik, sa châu ta dinga phurrik an nih.

ISAI 46:1 ပူးပေါင်းရင်းမြစ်များ

JOB LEKHABU (THE BOOK OF JOB) 39:11

A hrâtna chu a nasa leiin, ama chu i ring ding maw? Annawleh, ama kuoma chun i sininrimna chu în nghat ding am a nih?

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni si a; chun, Aigupta mihai pathienhai chunga khawm rorêlnahai intlungtir bawk ka tih, Lalpa chu ka ni hi!

ISAI 2:18

Chun, milimhai chu bohmang dai an tih.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiempêkhai chu, buikelet kuoma le bâk kuoma chun pei an ta,

ISAI 21:9

ngai ta, hitaka hin mihriem pâwl, sakawr chung chuong a kawp peia fe an hung ie,” tiin. Chun, ama bawk chun, “Babulon khuo chu a tlâwm tah, a tlâwm tah; an thiempuhai milim siem fâwmhai po po chu hnuoia suknâwiin a um tah,” tiin a dawn a.

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 46:7

An liengkoah an put a, an fepui a, a hmun dinga chun an sie hlak a, a ngîr ta zing a, a umnaa inthawk chun insawn ta naw nih: anih, miin ama chu ko an ta, nisienlakhawm, dawn thei si naw ni a, an lunginzîngnaa inthawkin sansuok thei chuong naw ni.

JEREMIA 10:5

Leipuia vate ṭi milim ang an na, nisienlakhawm, an ṭawng naw a; an fe thei naw leiin zâwn an ngai a. Anni chu ṭi naw la, thil suol khawm an thaw thei naw a, annia chun thil ṭha thawna ding khawm a um bawk nawh.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 50:38

A tuihai chunga chun kangna a um a, kangchat an tih; milem kerfâwm ram a na, milimah an invêt ri ngawt el a ni si a.

JEREMIA 51:44

Babulona Bêl chu hrem ka tih; a ilem tahai khawm chu a baua inthawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

JEREMIA 51:47

Chuleiin, ngai ta u, nihai chu a hung tlung mêk, Babulona milem kera siemhai chunga chun rorêl ka ta, a ram pumpui chu inzak a tih; a ithathai po po khawm chu a sûnga chun tlûng an tih.

JEREMIA 51:52

Chuleiin, ngai ta u, nihai chu a hung tlung mêk, a milim kera siemhai chunga chun rorêlna nei ka ta, a ram sûng po poa chun hliemhai chu inrûm an tih, Lalpain a tih.

DANIEL 11:8

an pathienhai le, an milim sunga sunghai le, an tangkaruo le rângkachak bûrlebêl ṭhatak takhai chu râllâkin Aigupta rama chun phur hmang bawk a tih; chun, kum tam lem sûng chu hmârtieng lal nêkin inlal a tih.

DANIEL 3:14

Nebukadnezzar chun a dawn a, an kuomah, “Aw Sadrak, Mesak, Abednego, ka pathien rawng chu in bâwl naw a, rângkachak milim kân ngîrtir khawm hi chibai in bûk nawh ti hi ân dik am a nih?

NAHUM 1:14

Lalpa chun i chungchâng thuah thu a pêk a, i hming chu chi anga thê ni ta naw nih; i pathien ina inthawka milim siemfâwm le milim sunghai chu sukbohmang ka tih; i thlân chu siem ka tih, i suol si a,” tiin.

NAMBAR 32:38

Nebo dâm, Baal-meon dâm, (an hminghai hi sukdanglam a ni tah), Sibma dâm an indin a; an khuo siemhai chu hming dang an inbûk a.

MATTHAI 23:4

Phurrik rinumtakhai an siem a, mihai an hnâwk hlak a; anni ruok chun an kutpâr khawmin an tâwk nuom nawh.

1 SAMUEL 5:3

Chun, Asdod khuoa mihai chun a zînga zîngkâr an hang tho chun, ngai ta, Lalpa bâwm hmaa chun Dagon chu a hmaia hnuoi sikin a lo tlu dêr el a. Chun, Dagon chu an lâk a, a umna hmuna chun an sie nâwk a.