ISAI 45:9 - Pathien Lekhabu Inthieng (BSI)

⁹ Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

ISAI 45:9 ပူးပေါင်းရင်းမြစ်များ

JOB LEKHABU (THE BOOK OF JOB) 10:9

Hi hi hre zing rawh, ka ngên che hi, nang chun pilpawk angin i mi lo siembâwl ta a, Pilvuta bawk i mi ṭhuoi nâwk el ding a ni maw?

JOB LEKHABU (THE BOOK OF JOB) 33:13

Ama chunga chun iengdinga i hel am a na? Mihriem thu iengkhawm a dawn nawh tiin.

JOB LEKHABU (THE BOOK OF JOB) 40:2

“Iengkimthawthei kaltu chun ama ân chûktir ding am a nih? Pathien sêlkaltu chun dawn raw se,” tiin.

JOB LEKHABU (THE BOOK OF JOB) 9:12

En ta, a lâk el a, tuin am dang thei a ta? ‘Ieng am i thaw a?’ tuin am a kuomah tîng a ta?

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

THUHRILTU 6:10

Ieng po khawm lo um ta kha a hming sâwttaka sak tah a ni a; chun, mihriem chu ieng am a na ti khawm hriet a ni sa ta a, ama nêka thilthawthei lem chu a khing zo nawh;

ISAI 10:15

Hreipui hin thil chêkna dinga a hmangtu chu a uongkhum ding am a nih? Thingâtna hin a âttu chu a hnuoisie ding am a nih? Hembâwkin ân lettuhai chu ân let vêl lem ang amanih, hmawlin thing ni si lo ân let lem ang el hi a nih!

ISAI 29:16

Thilhai hi in suklinglet vawng hlaka aw! Bêlhemtu chu bepil ang chaua ngaiin a um ding am a nih? Thilsiem chun a siemtu chu, “Ama mi siem ka ni hlak lêm” a ti ding am a ni? annawleh, thil inngîra um chun ân ngîrtu chu, “Hrietna hrim a nei nawh,” a ti ding am a ni?

ISAI 45:10

A pa kuomah, “Ieng am i nei leh?” titu amanih, a nu kuomah, “Ieng am i nei ding an leh?” titu chung chu a rik ie!

ISAI 64:7

Chuongchun, i hming lama, nangma chel dinga mâni insukhar tukhawm an um dêr naw a, keini kuoma hin i hmai i thup ta si a; kan khawhlonahai hmangin i mi sukbohmang tah a nih.

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

JEREMIA 18:6

“Aw Israel sûngkuo, hi bêl hemtu ang hin i chunga hin ka thaw thei ni lo am a nih? Lalpa chun a tih. Ngai ta, pilpawk chu bêl hemtu kuta a um angin, nang chu ka kuta um i nih, aw Israel sûngkuo.

JEREMIA 36:29

Chun, Juda ram lal Jehoiakim chungthua chun hieng ang hin hril i tih; ‘Lalpa chun hieng hin a tih: Babulon lal chu hung a ta, hi ram hi hung sukse ngei a ta, chutaka inthawk chun ramsa le mihriem khawm sukchavai a tih, tia, iengdinga hitaka hi ziek am in ni a?’ tiin, hi lekhabu zuol hi i raw ta chu a na.

JEREMIA 50:24

I ta dingin châng ka kam a, i âwk a ni tah, aw Babulon, i lo inring naw a, Lalpa chu i kal leiin hmu suokin i um a, manin i um an tah.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

1 KORINTH 10:22

Annawleh, Lalpa chu thîk dingin chawk tho ei tum a ni maw? Ama nêkin ei hrât lem am a nih?