ISAI 45:8 - Pathien Lekhabu Inthieng (BSI)

⁸ Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei Lalpa hin chu chu ka siem a nih.

ISAI 45:8 ပူးပေါင်းရင်းမြစ်များ

2 LALHAI 19:25

Keimain inhmaa inthawka chuong chu ka thaw a nizie dâm, inhma laia chuong chu ka siem a nizie dâm chu i hriet naw am a nih? Khaw kul neihai chu in chim khâwm el anga suksetu dingin ka ruot ta che a ni hi.

INPÂKNA HLABU 68:8

Hnuoi hi ân hnîng dur dur a, Vânhai khawm khi Pathien hmaa chun a far a, Sinai tlâng meu khawm saw Pathien hmaah, Israelhai Pathien hmaa chun ân hnîng dur dur kha.

INPÂKNA HLABU 72:3

Tlâng lien le tlâng chînhai hin felnain Mihai kuomah lungmuongna hung intlun an tih.

INPÂKNA HLABU 72:6

Ama chu hlobet râwtna chunga ruotui tla angin tlâng a ta, Hnuoi châwmtu ruotui ang elin.

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 32:15

Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 53:2

A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, Lalpain a tih.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

EZEKIEL 34:26

Chun, ka tlâng sîra hmunhai le anni chu malsâwmah siem ka ta; ruohai khawm a huntakah hung insûrtir ka ta; malsâwmna ruohai sûr hlak a tih..

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

EPHESI 4:24

mihriem thar, felna le inthiengna indiktaka Pathien angpuia siem chun inthuom ro.