ISAI 45:7 - Pathien Lekhabu Inthieng (BSI)

⁷ Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

ISAI 45:7 ပူးပေါင်းရင်းမြစ်များ

2 LALHAI 19:25

Keimain inhmaa inthawka chuong chu ka thaw a nizie dâm, inhma laia chuong chu ka siem a nizie dâm chu i hriet naw am a nih? Khaw kul neihai chu in chim khâwm el anga suksetu dingin ka ruot ta che a ni hi.

JOB LEKHABU (THE BOOK OF JOB) 10:13

Amiruokchu, hieng thilhai hi nang chun i lungrila chun i thup a, Hi hi i kuomah a um ti ka hriet a nih.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol naw a.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

INPÂKNA HLABU 105:28

Ama chun inthim a tir a, a sukthim ta a, Chuongchun, a thuhai chu an sêl ta naw a.

INPÂKNA HLABU 29:11

Lalpa chun a mihai kuomah hrâtna pêng a ta, Lalpa chun a mihai chu thlamuongnain malsâwm a tih.

INPÂKNA HLABU 74:16

Sûn hi i ta a na, zân khawm i ta a nih; Nangin êntu le nisa khi i buotsai a.

INPÂKNA HLABU 75:7

Pathien chu rorêltu a ni lem: Ama chun pakhat a suktlâwm a, pakhat a suksâng hlak.

INPÂKNA HLABU 8:3

I vân, i kutsuokhai, Thla le arasi i ruothai khi ka ngaituo châng chun,

FESUOKNA 14:20

Israel mihai le Aigupta mihai riebûk inkâra chun a hung a. Chuongchun, sûm le inthim chu a um a, zân chu sûm chun a sukvar hlau thung a, zânkhuoin tu tu khawm an inhnai tuo naw a.

ISAI 31:2

Râwn naw hai sien khawm ama chu vartak i sawnnaw, thil ṭha naw hung intlungtir a ta, a thuhai chu inkîr naw ni: thil ṭha naw thawtuhai sûnghai thaw dingin tho lem a ta, thil suksuoltuhai ṭhangpuina do dingin tho bawk a tih.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu Lalpa chun hieng hin a tih: ama chu sipaihai Lalpa chu a hming a na;

JEREMIA 51:20

“Nang chu ka indona hrei le, ka hriemhrei i nih; nangma chu hmangin hnamhai chu suknawi vawng ka tih; nangma chu hmangin lalramhai chu suksieng ka ta;

ṬAP HLA 3:38

A chunghnungtak baua inthawk chun thu sie le ṭha chu a suok ni lo am a nih?

EZEKIEL 32:8

Vâna thil var tlêhai po po chu i chunga chun sukthim ka ta, I ram chunga chun inthim inlêngtir ka tih Lalpa Pathien chun a tih.

DANIEL 2:22

Thurûkhai le thil inthûkhai chu an kuomah a puong a, Inthima thil um chu a hriet a, var chu amaa chun a um a nih.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

AMOS 3:6

Khawpuiah tawtawrâwt an mûtin, mi ṭi lovin an um hlak am a nih? Lalpa thaw lo chun khawpuia chun sietna a tlung thei ding am a nih?

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming Lalpa, sipaihai Pathien chu a ni si a.

AMOS 5:6

Lalpa chu zawng unla hring in tih, chuong naw chun, Josef inah mei angin hung suok a ta, kâng vawng a ta, Bethel khuoah a chun sukrêmtu ding tukhawm um naw ni hai;

NAHUM 1:8

Amiruokchu, tui lien luong liemna hmangin chu hmun bohmang vawngna chu intlungtir a ta, hmêlmahai chu inthimnaah hnawt lût a tih.

THILTHAWHAI 4:28

i kut le i lungrilin tlung dinga i ruot lâwk taphawthai kha thaw dingin.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

JUDA 1:13

tuisuoriet fâwn invawr, mâni muolphona inhuom suokhai an nih; arasi invâk invâk, chatuona inthim sa mup khêk pêkhai chu an nih.

JUDA 1:6

Chun, vântirkohai anni nîna pawm lova, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.