ISAI 45:6 - Pathien Lekhabu Inthieng (BSI)

⁶ keima naw chu a dang hrim an um nawh ti nisa suoknaa inthawk le thlangtienga inthawka an hriet theina dingin; kei hi Lalpa chu ka na, a dang hrim hrim an um naw a nih.

ISAI 45:6 ပူးပေါင်းရင်းမြစ်များ

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achunghnungtak i nih ti an hriet theina dingin.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 37:20

Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” Lalpain a tih, “Ka um hma chun pathien hrim hrim inngîr an um naw a, ka um hnunga khawm um bawk naw ni hai.

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 45:5

Kei hi Lalpa chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

ISAI 47:8

Chuongchun, nang nunkhuo phâm a, ngaisamtaka um a, mâni lungrila, “Keima ka nih, keima naw chu mi dang hrim hrim an um nawh, hmeithaiah ṭhung naw ning a, nauhai chân thu khawm hre bawk naw ning,” titu, hi hi hre rawh;

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 59:19

Chuongchun, Lalpa hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, Lalpa thuoka mût luong vut vut angin a hung ding a ni si a.

EZEKIEL 38:23

Chun, kei le kei inchawimawiin, insukthieng ka ta, hnam tamtakhai mithmua chun kei chu insukhmêlhriet ka ta; chun, Lalpa chu ka nih ti mi hre tâng an tih.

EZEKIEL 39:21

Chun, ka ropuina chu hnamhai laia chun sieng ka ta, chuongchun, hnam po pohai chun rorêlna ka suktlung ta le, an chunga ka kut kân nghat chu hmûng an tih.

JOEL 2:27

Chun, Israelhai lai hin ka um ti le, Lalpa in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.