ISAI 45:5 - Pathien Lekhabu Inthieng (BSI)

⁵ Kei hi Lalpa chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

ISAI 45:5 ပူးပေါင်းရင်းမြစ်များ

1 LALHAI 8:60

Lalpa hi Pathien a na, tukhawm dang an um nawh ti khawvêla hnam tinin an hung hriet theina dingin.

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu Lalpa vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

JOB LEKHABU (THE BOOK OF JOB) 12:18

Lalhai khuopna chu a sût a; An kâwnghai chu kâwngkhiin a khitpêk a,

JOB LEKHABU (THE BOOK OF JOB) 12:21

Lal nauhai chunga chun hmusitumna a buok a, Mi hrât kâwngchûn chu a sûtpêk bawk a.

INPÂKNA HLABU 18:31

Lalpa naw chu tu am Pathien a um a? Ei Pathien naw chu tu am lungpui a um a?

INPÂKNA HLABU 18:32

Hrâtnaa ka tâia mi khittu le, Ka lampui sukṭha famkimtu Pathien chu.

INPÂKNA HLABU 18:33

Ama chun ka ke hi sazukpui ke angin a siem a, Ka hmun insângtakahai a min umtir hlak a.

INPÂKNA HLABU 18:39

Nangin inthawnaa ding chun hrâtnain ka tâiah i mi khit a, A mi hung thawtuhai chu ka hnuoiah i suktlâwm ta a.

INPÂKNA HLABU 86:10

Nang chu i ropui a, thilmakhai i thaw bawk hlak si a, Nangma chau hi Pathien i nih.

FESUOKNA 9:14

Hnuoi chung po poah keima ang tukhawm an um nawh ti i hriet theina dingin, tuta ṭum hin chu, i mihai le i siehlawhai le nangma chunga ngei ka hri po po ka hung tir ding a ni si a.

ISAI 22:21

ama chu i zakawfuol hi inhâktir ka tih, i kâwngkhi hin sukhrât ka ta, i rorêlna hi a kutah inkawltir ka tih; chuongchun, ama chu Jerusalema umhai ta dingin le Juda sûnghai ta dingin pa nîng a tih.

ISAI 37:20

Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” Lalpain a tih, “Ka um hma chun pathien hrim hrim inngîr an um naw a, ka um hnunga khawm um bawk naw ni hai.

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 45:1

Lalpa chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawngpêk ding le, kul kawtkhârhai khâr lova inumtirtu ding, a kut changtienga ka ichel kuoma chun hieng ang hin a tih,

ISAI 45:6

keima naw chu a dang hrim an um nawh ti nisa suoknaa inthawk le thlangtienga inthawka an hriet theina dingin; kei hi Lalpa chu ka na, a dang hrim hrim an um naw a nih.

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 47:8

Chuongchun, nang nunkhuo phâm a, ngaisamtaka um a, mâni lungrila, “Keima ka nih, keima naw chu mi dang hrim hrim an um nawh, hmeithaiah ṭhung naw ning a, nauhai chân thu khawm hre bawk naw ning,” titu, hi hi hre rawh;

EZEKIEL 30:24

Babulon lal kuthai chu sukhrât ka ta, ka kâwlhnâm chu a kutah sieng ka tih; nisienlakhawm, Pharao bânhai chu suktliek ka ta, ama hmaa chun mi thi khawp raua hliem inrûmin inrûm a tih.

JOEL 2:27

Chun, Israelhai lai hin ka um ti le, Lalpa in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

JOHAN 1:1

A tîrin Thu a um, Thu chu Pathien kuomah a um, Thu chu Pathien a nih.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

DÂN PAHNINA 4:35

Lalpa chu Pathien a nih ti in hriet theina dingin in kuoma suklang a na; ama naw chu a dang hrim an um nawh.

DÂN PAHNINA 4:39

Chuleiin, tuhin in lungrilah vawng unla, chungtieng vâna le hnuoitieng leihnuoia hin Lalpa chu Pathien a nih ti hre ro; a dang hrim an um nawh.