ISAI 45:24 - Pathien Lekhabu Inthieng (BSI)

²⁴ Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 45:24 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 110:2

Lalpa chun i hrâtna hmawl chu Zion tlânga inthawkin tir suok a tih; Nangin nangma dotuhai laia chun rorêl rawh.

INPÂKNA HLABU 71:16

Lalpa Pathien thilthaw ropuitakhai leh hung ka ta, I felna, nanga felna thu chau hril ka tih.

INPÂKNA HLABU 72:9

Thlalêra umhai chu a hmaah kûn an ta, Ama dotuhai chun pilvut liek an tih.

INPÂKNA HLABU 89:17

Nang chu an hrâtna ropuina i ni si a, I ditsakna leiin kan ki hi chawimawiin um a tih.

ISAI 26:4

Lalpa chu kumkhuoin ring ro; Lalpa JEHOVAA chun kumkhaw lungpui chu a um si a.

ISAI 41:11

Ngai ta, in chunga lungninaw po pohai chu muolphotak le inzaktakin um an tih; nangni sêltuhai cheu chu iengkhawm ni lo ang nîng an ta, bohmang an tih.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; Lalpa i Pathien lei le, Israelhai Mi Inthieng lei chun; ama chun a chawimawi si che a.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

HABAKKUK 3:19

Lalpa, Jehova chu ka hrâtna a na, Ka kehai chu sazukpui kehai angin a siem a, Ama chun ka bâwlhmunhaia chun mîn fetir a tih.

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei si a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, Lalpa an Pathien ka ni si a.

ZEKARIA 12:5

Chun, Juda lalhai chun an lungrilin, ‘An Pathien sipaihai Lalpaa chun Jerusalem hluotuhai chu ka hrâtna an nih,’ la tîng an tih.

ZEKARIA 8:23

Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

LUKA 13:17

Chuong thuhai chu a hril laiin a hmêlmahai po po chu an inzak ta a; mipui ruok chu a thil ropui thaw po po leiin an lâwm vawng a.

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a ti a,” a ta.

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

EPHESI 3:16

A ropuina hauzie ang peiin, a Thlarau zârah mihriem sûngril tienga chun thilthawtheinaa sukhrâta ân umtir theina ding cheu le,

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 4:13

A mi sukhrâttu Krista zâra chun iengkim ka thaw thei a nih.

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

THUPUONGSUO 11:18

Hnamhai chu an lunginsen a, chun, i lunginsenna chu a hung tlung ve thung a, mithi rorêlpêk hun le, i suok zâwlneihai kuoma dâm, mi inthienghai kuoma dâm, i hming inza mi lien le mi chînhai kuoma dâm, an lâwmman pêk hun le, hnuoi suksetuhai suksiet ve thung hun chu a hung tlung bawk a,” tiin.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.