ISAI 45:21 - Pathien Lekhabu Inthieng (BSI)

²¹ Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 45:21 ပူးပေါင်းရင်းမြစ်များ

INPÂKNA HLABU 26:7

Lâwmthu hrilna ka sukrîk thei a, I thilmak thaw po po thuhai chu ka hril theina dingin.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achunghnungtak i nih ti an hriet theina dingin.

INPÂKNA HLABU 96:10

Hnam tin lai chun, “Lalpa chu lalah a ṭhung a,” ti ro, Khawvêl khawm hi ân hnîng thei nawna dingin sukdetin a um a; Ama chun thlierbîk nei lovin mi tin ro chu rêl a tih.

ISAI 19:20

Chu chu Aigupta rama sipaihai Lalpa ta ding chun inchikna le hrietna nîng a tih, nêksâwrtuhai leiin Lalpa chu an la ko ding a ni si a; chuongchun, ama chun sandamtu le humhimtu tir a ta, ama chun annirawi chu sansuok a tih.

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 43:11

Kei, keima ngei hi, Lalpa chu ka nih; keima naw chu sandamtu hrim hrim an um nawh.

ISAI 43:3

Kei hi Lalpa in Pathien Israelhai Mi Inthieng, nangni sandamtu ka ni si a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 43:9

Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 45:5

Kei hi Lalpa chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? Lalpa chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

ISAI 48:3

Kha hma thilhai chu tiena tlângah ka lo hril ta a, anih, ka baua inthawkin a suok a, kân hriettir a; kârlovin ka muolsuo thut a, a hung tlung ta a.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

HOSEA 13:4

Kei ruok hi chu Aigupta rama inthawk ta a, Lalpa i Pathien chu ka na, Kei ti naw chu Pathien dang i hriet ngai naw a; Kei naw hi chu sandamtu dang an um nawh.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

ZEPHANIA 3:5

Ama sûnga chun Lalpa chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim naw a; amiruokchu, mi fel naw chun inzakna a hriet naw a nih.

ZEKARIA 14:7

amiruokchu, ni khat, Lalpa ihriet chu um a tih; sûn khawm ni naw ni a, zân khawm ni naw bawk a tih, amiruokchu, zântieng huna hin var chu hung um a tih.

ZEKARIA 14:9

Chun, Lalpa chu leihnuoi po po chunga laltak ni tâng a ta, chu nia chun Lalpa chu pakhat nîng a ta, a hming khawm pakhat chau nîng a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.