ISAI 45:19 - Pathien Lekhabu Inthieng (BSI)

¹⁹ Inrûkin, ram inthim hmunah thu ka hril ngai naw a, Jakob thlahai kuomah, ‘Iengkhawm lovah mi zawng ro,’ ka ti ngai nawh: kei Lalpa hin felna thu ka hril hlak a, thu indiktakhai chu ka hril hlak.

ISAI 45:19 ပူးပေါင်းရင်းမြစ်များ

1 CHANCHIN SUINA 28:8

“Chuleiin, tuhin, Lalpa mipui inkhâwm Israelhai mithmua le ei Pathien hrietna hin, hi ram ṭhatak hi in nei thei a, kumkhuoa dinga in thlahai kuoma rochan ni dinga in mâksanpêk theina dingin Lalpa in Pathien thupêkhai po po chu zawng suok unla, zâwm ro.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

2 CHANCHIN SUINA 7:14

ka mihai, ka hming chawia kohai chu an insukhnuoi a, an ṭawngṭai a, an lampui rilohai chu nghatsan a ka hmêl an hung zawng chun, vâna inthawkin lo hrieng ka ta, an suol chu ngaidam ka ta, an ram khawm chu sukhrisêl bawk ka tih.

EZRA 8:22

Lal kuoma chun, “Ama zawngtuhai chunga chun Pathien kut chu ṭhatna dingin a um a, ama nghatsantuhai po po chunga ruok chun, thilthawtheina le lunginsenna a um a nih,” kan lo ti ta si leiin, lampuia hmêlmahaia inthawka mi ṭhangpui dinga sakawr chung chuong mi le sipai pâwl lal kuoma hni kân zak si a.

INPÂKNA HLABU 12:6

Lalpa thuhai hi thu inthiengtak a na, Tangka hnuoi chunga rawtuina meia fie a Vawi sari sukthieng ta hnung ang hi a nih.

INPÂKNA HLABU 24:6

Chu chu ama zawngtuhai suon a nih, Aw Jakob Pathien, i hmêl zawngtuhai chu.

INPÂKNA HLABU 69:13

Nisienlakhawm, aw Lalpa, kei chun chu hun lâwmumah, i kuomah a nih ka ṭawngṭâi chu; Aw Pathien, i ngilneina nasatak leiin, I sandamna thutak chun mi hung dawn rawh.

INPÂKNA HLABU 69:32

Mi rimsihai chun chu chu an hmu a an lâwm a, Nangni Pathien zawngtuhai, in lungril chu hringin um raw se.

INPÂKNA HLABU 78:34

Anni a that poleh ama chu an zawng hlak a, An kîr nâwk a, zîngkâr Pathien an zawng hlak.

INPÂKNA HLABU 9:10

Chuongchun, i hming hretuhai chun ring an ti che a, Nang chun chu, Lalpa, nangma zawngtuhai che chu i mâksan ngai si naw a,

THUVARHAI 1:21

Kawtthlêr inrîk mur murna hmun takhaia chun a khêk a, Dâi kawtkhâr lûtnaa dâm chun. Khawpui sûnga chun a thuhai chu a hril a.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 30:5

Pathien thu tin chu sukthiengin a um a, Ama ringtuhai ta ding chun ama chu phaw a nih.

THUVARHAI 8:6

Ngai ta u, thil ṭha bîkhai ka hril ding a ni si a, Ka hmûrhai kâkna chu thil indik a ni ding a nih.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

ISAI 43:12

Keimain ka hril a, ka sandam a, kân hriettir a, nangni lai khan ram dang pathien hrim hrim an um naw kha; chuleiin, nangni hi ka thu mi hrietpuituhai in nih, Lalpain a tih, chun, kei chu Pathien ka nih.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 48:16

Nangnirawi hin mi hung hnai unla, lo ngai ro; a tira inthawk khan arûkin thu ka hril ngai naw a; a um tîr laia inthawk khan chutaka chun ka um a; tuhin Lalpa Pathien chun keima le a thlarau chu a mi tir ta a.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

ISAI 65:9

Chun, Jakoba inthawkin chi pakhat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

JEREMIA 2:31

Aw nangni suon hai, Lalpa thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israelhai kuoma chun thlalêr amanih, ram inthim sâmup am ka lo nih a ni?

AMOS 5:4

Lalpa chun Israel chihai kuoma chun hieng ang hin a ti si a: “Mi zawng unla, hring in tih;

JOHAN 18:20

Isûn a dawn a, a kuomah, “Khawvêl kuomah, tlâng hrietah thu ka hril hlak kha; inkhâwmna in le, Pathien biekin, Juda po po um khâwmnaahai chun, kân chûktir rawp hlak kha, iengkhawm arûkin ka hril nawh.

JOHAN 7:26

En ta u, ân langin thu a hril a, a kuomah iengkhawm an hril si nawh. Ama hi Krista a ni ti hotuhaiin an hriet tak tak am a ni tah aw?

JOHAN 7:28

Chuong lei chun Isûn Pathien biekina ân chûktir malamin a khêk a, “Nangnîn in mi hriet, ka piengna chin khawm in hriet deh. Nisienlakhawm mâni thua hung ka ni nawh, a mi tirtu hi mi tak zet a nih, ama chu in hriet si nawh.

DÂN PAHNINA 29:29

Thil inthuphai chu Lalpa ei Pathien ta a na, thil suklanga umhai ruok chu hi dân thuhai po po hi ei zâwm theina dingin eini le ei thlahai ta ding a nih.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

JAKOB 4:3

in hni a, in hni indik naw leiin in hmu nawh, in inhawitirna dingin hmang in tum si a.