ISAI 45:13 - Pathien Lekhabu Inthieng (BSI)

¹³ Kura chu felna neiin ka keihar a, a lampuihai po po chu suktlûn ka tih; ama chun ka khawpui chu siem nâwk a ta, an intlanna man dit lei ni lovin, lâwmman dit lei ni bawk lovin, ka salhai chu insuoktir a tih, sipaihai Lalpain a tih,” tiin.

ISAI 45:13 ပူးပေါင်းရင်းမြစ်များ

EZRA 1:3

A mi po pohai, nangni laia mi tukhawm kuomah a Pathien chu um raw se! Juda rama Jerusalema chun hang fe sienla, Lalpa Israelhai Pathien (ama chu Jerusalema um Pathien chu a nih) in chu hang bâwl raw se.

INPÂKNA HLABU 65:5

Aw a mi sandamtu Pathien, Thil râpthlâktakhaiin keini mi hung dawn i tih, Nang kâwlkawdawnga mi po po le, Tuisuoriet chung hlataka umhai iring chu i nih.

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

ISAI 13:17

Ngai ta, Media mihai anni thaw dingin chawktho ka ta, chuonghai chun tangka ngaisak naw ni hai a, rângkachak khawm lâwm naw ni hai.

ISAI 14:17

khawvêl thlalêr anga siem a, a khaw umhai sukbohmang a, a salhai an in tienga fe dinga insuo ngailo chu,’ tiin, i chanchin la sût an tih.

ISAI 41:2

Khawsaka inthawkin mi pakhat, felna leia a ke bula a iko chu, tuin am a keihar a? ama chun hnam tin a hmaah a pêk a, lalhai chungah ro ân rêltir a, anni chu pilvut angin a kâwlhnâm kuomah a pêk a, busi thli imût lêng angin a thalngul kuomah a pêk bawk a.

ISAI 41:25

Hmârtienga inthawkin mi pakhat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

ISAI 45:2

“Kei i hmaah fêng ka ta, ân ṭumnawnahai chu sukruol ka tih, dâr kawtkhârhai chu sukse rem rum ka ta, a kalna thîr tluonhai chu sukbawng ka tih;

ISAI 46:11

khawsak tienga inthawkin vate hnukinrâwltak, ram hlataka inthawka ka mi ruot chu ka ko a, anih, ka hril ta a, muolsuo bawk ka tih; ka tum ta a, thaw bawk ka tih.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 52:5

Chuongchun, hitaka hin tuhin ieng am a na ka thaw ding? Ka mihai hi iengkhawm ni lova ṭhuoi hmangin an um si a, Lalpain a ti a, an chunga rorêltuhai chu an khêk tuor tuor a, Lalpain a tih, ka hming hi sûnnithlâk thlâka hrilsietin a um hlak.

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia inthawk fe suok i ta, ramah chêng i tih. Babulon chen khawmin i fe ding a ni si a: chutaka chun sansuokin um i ta, chutaka chun i hmêlmahai kuta inthawkin Lalpa chun sansuok a ti che.