ISAI 45:11 - Pathien Lekhabu Inthieng (BSI)

¹¹ Lalpa Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 45:11 ပူးပေါင်းရင်းမြစ်များ

INṬANNA 32:26

Chun, mi chun, “Mîn thla rawh, khawfing khawm a chat ding a ni ta hi,” a ti a. Jakob chun, “Mal i mi sâwm naw chun inthla naw ning che,” a ti a.

ISAI 19:25

sipaihai Lalpa chun, “Ka mi Aiguptahai le ka kutsuok Assuriahai le ka rochan Israelhai chu malsâwmin um raw se,” tiin mal a sâwm si a.

ISAI 29:23

An nau, ka kutsuokhai chu, anni laia an hmu chun, ka hming chu sukthieng lem tâng an tih; anih, Jakobhai Mi Inthieng chu sukthieng an ta, Israelhai Pathien chu ṭi tâng an tih.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:15

Kei hi Lalpa, in Mi Inthieng, Israelhai Siemtu, in Lal chu ka nih,” tiin.

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 43:3

Kei hi Lalpa in Pathien Israelhai Mi Inthieng, nangni sandamtu ka ni si a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 45:10

A pa kuomah, “Ieng am i nei leh?” titu amanih, a nu kuomah, “Ieng am i nei ding an leh?” titu chung chu a rik ie!

ISAI 48:17

Lalpa, nangni intlantu, Israelhai Mi Inthieng chun hieng ang hin a tih, “Kei hi Lalpa in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

ISAI 54:5

Nangma siemtu chu i pasal a ni si a; a hming chu sipaihai Lalpa a nih; Israelhai Mi Inthieng chu nangma intlantu a ni bawk a nih; ama chu khawvêl po po Pathien tîng an tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 63:16

Abraham chun mi hre lovin, Israel khawm chun mi ngaisak naw sien khawm, nang chu ka pa i ni si a; nang chu, aw Lalpa, kan pa i na, i hming chu chatuona inthawka keini mîn tlantu a nih.

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 31:1

Lalpa chun, “Chu pha chun Israel pahnam po pohai Pathien chu nîng ka ta, anni chu ka mihai nîng an tih,” a tih.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

EZEKIEL 36:37

“Lalpa Pathien chun hieng hin a tih; Hi hi dinga khawm hin, an ta dinga thawpêk dingin, Israel sûngkuo mi râwnin um bawk ka tih; anni chu berâm ruol angin mihriem sukpung ka tih.

EZEKIEL 39:7

Chun, ka hming inthieng chu ka mi Israelhai laia chun suklangsâr ka ta, ka hming inthieng sukpawrchea a um ding hrim hrim chu ngai thei naw ningah, chun, hnamhai chun Lalpa, Israela Mi Inthieng chu ka nih ti mi hre tâng an tih.

DANIEL 2:18

Babulona mi var danghai lai chun Daniel le a ruolhai chu an thi ve nawna dinga, hi thurûk chungchâng thua hin vâna Pathien zângaina chu an ngên theina dingin.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

HOSEA 12:4

Anih, vântirko ân beipui a, a hne tah, A ṭap a, ditsakna a ngên a, Bethel hmuna chun ama a hmu ta a, Chutaka chun a kuomah thu a hril a;

MARKA 11:24

Chuleichun, ka ti cheu hi, iengkim ṭawngṭaia in hni taphawt chu, hmusain inngai unla, chuongchun, hmûng in tih.

2 KORINTH 6:18

In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

JOSUA 10:12

Chuongchun, Lalpain Amor mihai chu Israelhai kuta a pêk ni chun Josua chun Lalpa kuomah thu a hril a, Israel mihai mithmua chun, “Nisa, Gibeon chungah ngîr zing rawh. Nang khawm, thlapa, Aijalon ruoma hin um zing rawh”, a ta

RORELTUHAI 16:23

Chun, Philistin mihai mi lienhai chu an pathien Dagon kuoma inthâwina ropuitak inhlân ding le insukhlim dingin an pung khâwm tâwl a, “Ei pathienin ei hmêlmapa Samson a mi pêk tah annâwm,” an ti a.