ISAI 45:1 - Pathien Lekhabu Inthieng (BSI)

¹ Lalpa chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawngpêk ding le, kul kawtkhârhai khâr lova inumtirtu ding, a kut changtienga ka ichel kuoma chun hieng ang hin a tih,

ISAI 45:1 ပူးပေါင်းရင်းမြစ်များ

1 LALHAI 19:15

Chun, Lalpain a kuomah, “Fe nâwk ta la, thlalêr tieng Damaska khuoah fe rawh; i va tlung chun Suria lal dingin Hazael hriek nâl i ta;

EZRA 1:1

Persia lal Kura inlal kum khatna chun, Jeremia baua Lalpa thuhril chu a hung tlung theina dingin Lalpa chun Persia lal Kura lungril chu a chawktho ta a, chuongchun, a ram po poa chun thu inhriettirna a siem a, a zieka ziek khawmin a sie bawk a,

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu Lalpa vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

JOB LEKHABU (THE BOOK OF JOB) 12:21

Lal nauhai chunga chun hmusitumna a buok a, Mi hrât kâwngchûn chu a sûtpêk bawk a.

INPÂKNA HLABU 73:23

Nisienlakhawm, i kuomah ka um rawp a, Ka kut changtieng hi i lo chel hlak.

ISAI 13:2

Mi lienhai kawtkhârahai chun an lût theina dingin tlâng kawl ruoua chun inchikna târ suok unla, inringtakin anni chu ko unla, kutin hui ro.

ISAI 13:3

Keima ngeiin ka mi ruothai chu thu ka pêk ta a, anih, ka mi hrâttak, ka mi indutaka hlimhai chu ka lunginsen hrîkthlatu dingin ka ko tah.

ISAI 41:13

Kei Lalpa in Pathien hin, “Ṭi naw ro, ka ṭhangpui ding cheu a nih,” tiin, in kut changtieng chu ka chel ding a ni si a.

ISAI 41:2

Khawsaka inthawkin mi pakhat, felna leia a ke bula a iko chu, tuin am a keihar a? ama chun hnam tin a hmaah a pêk a, lalhai chungah ro ân rêltir a, anni chu pilvut angin a kâwlhnâm kuomah a pêk a, busi thli imût lêng angin a thalngul kuomah a pêk bawk a.

ISAI 41:25

Hmârtienga inthawkin mi pakhat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

ISAI 45:5

Kei hi Lalpa chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

ISAI 48:15

Kei, keima ngei hin thu ka hril ta a; anih, ama chu ka ko a, ka ṭhuoi a, a lampui chu suktluong pei ka tih.

JEREMIA 27:6

Tuhin chuong ramhai po po chu ka siehlaw Nebukadnezzar, Babulon lal kuoma chun ka pêk tah a nih, ramhnuoia ramsahai khawm chu ama rawng bâwl dingin ka pêk a nih.

JEREMIA 43:10

chun, an kuoma chun, ‘Sipaihai Lalpa, Israel Pathien chun hieng hin a tih: Ngai ta u, mi tir ka ta, ka siehlaw Nebukadnezzar Babulon lal chu hung ṭhuoi ka ta, kha lung ka phûmhai chunga khan a lalṭhungpha chu innghat a tih; chuong chunga chun a lal puon in chu zar a tih.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânse a, mihriem le ramsahai khawm chu, an fe hmang zo ta a.

JEREMIA 50:35

Kâwlhnâm chu Kaldaihai chunga dâm, Babulon hluotuhai chunga dâm, a rorêltuhai le a mivarhai chunga chun a um a nih, Lalpa chun a tih.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni ta a; a chêngna hmunhai chu meia rawin a um a, ân huonna thîrhai khawm chu sukthliekin a um ta a.

JEREMIA 51:58

Babulon kulbang lientakhai khawm chu sukchim nîng an ta, a dai kawtkhârhai chu meia raw nîng an ta, a mipuihai chu a thlâwn elin inrim an ta, hnamhai khawm chu mei leiin inrim an ta, sipaihai Lalpa chun a tih”tiin.

EZEKIEL 29:20

Keia ta dinga sin an lo thaw ta leiin, a sinthaw mana thungna ding chun Aigupta ram chu ka pêk tah a nih, Lalpa Pathien chun a tih.

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi ta a; a kâwngru insuktuoknahai chu a hung inthâwt a, a khûp le khûp chu an invuoktuo ta a.

DANIEL 7:5

Chun, ngai ta, sahrâng dang, a pahnina chu, savawm ang, a khingkhata indawm kâng a na, a baua a hahai kârah chun nâkru pathum a um a; chun a kuoma chun, ‘Tho la, taksa tamtak fa zo vawng rawh,’ an ta.

DANIEL 8:3

Chun, ka mit ka hang meng a, ngai ta, vadung kâwla chun berâmchal ki pahni nei a ngîr ka hmu a; chu kihai pahni chu ân sâng hle a; amiruokchu, a ki pakhat chu a dang nêk chun ân sâng lem a; ân sâng lem chu a hung suok nuhnung lem chu a na.

DANIEL 8:4

Berâmchal chu thlangtieng le, hmârtieng le, simtieng chu panin ka hmu a; a hmaa hrim hrim chun ramsa dang ngîr thei an um naw a, a kuta inthawka la dawk thei hrim hrim khawm tukhawm an um naw a; chuongchun, a nuom ang angin a thaw a, ama le ama chu ân chawimawi ta a.

NAHUM 2:6

Vadung kawtkhârhai chu hawng a na, lal in chu sukramin a um a.

NAHUM 3:13

Ngai ta, i sûnga i mipuihai chu nuhmei an na, i hmêlmahai ta dingin i ram kawtkhâr chu ân hawng huoi a, în kalna thîr tluonhai chu meiin a kâng hmang a nih.