ISAI 44:9 - Pathien Lekhabu Inthieng (BSI)

⁹ Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei naw a, an hriet thei bawk nawh.

ISAI 44:9 ပူးပေါင်းရင်းမြစ်များ

2 LALHAI 19:18

an pathienhai chu meiah an pei bawk hlak a; chuonghai chu pathien an ni naw hrim a, mihriem kuta siem, thing le lung an ni lem a nih; chu lei chun an sukbohmang a nih.

INPÂKNA HLABU 115:4

An milimhai chu tangka le rângkachak an na, Mihriem kutsuok an nih.

INPÂKNA HLABU 115:8

Chuong siemtuhai chu chuong ang bawk chun um an ta, Anih, chuong ringtu taphawthai chu.

INPÂKNA HLABU 135:18

Chuong siemtuhai chu chuong ang bawk chun um an ta, Anih, chuong ringtuhai po chu.

INPÂKNA HLABU 97:7

Milim siemfâwmhai rawngbâwltuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 41:24

Ngai ta u, iengkhawm in lo ni naw hi, in thil thaw khawm iengkhawm a ni bawk nawh, nangni thlangtuhai cheu chu mi tirdakumtak an ni hi.

ISAI 41:29

En ta u, an rêngin, an sinthawhai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

ISAI 42:18

Nasêthai, nain hre ro; mitdelhai, in hmu theina dingin en ro.

ISAI 43:8

Mit nei si mitdelhai le, na nei si nasêthai chu, ṭhuoi suok ro.

ISAI 43:9

Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

ISAI 44:11

Ngai ta, a pâwlpuihai po po chu muolpho an tih; sinthaw mihai khawm mihriem laia mi an nih; an rêngin inkhâwm vawng hai sienla, ngîr raw se; ṭîng an ta, muolpho tâwl an tih.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

ISAI 45:16

Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 57:12

I felna thu hi hril ka ta, i thilthawhai chu i ta dingin ienga ṭhahnem ni naw nih.

ISAI 65:13

Chuleiin, Lalpa Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 2:26

“Inru chu hmusuok a ni pha chun ân zak angin, Israel sûngkuo khawm chu chuong ang chun ân zak a nih; anni le an lalhai, an rorêltuhai, an thiempuhai, an zâwlneihai chun,

DANIEL 11:38

Nisienlakhawm, ama hmuna chun kulhai pathien chu inza thung a ta, a thlatuhaiin pathien an hriet ngainaw chu thil ṭhahai le, lungmantamhai le, tangka le rângkachakin chawimawi a tih.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:22

Vara inngaiin invêt an lo ni ta a,

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

EPHESI 4:18

hrietnawna anniah a um, chu hrietnawna lei chun Pathien hringnaa inthawka ṭhea hung umin, an hrietnaa chun an hung inthim a nih; an lungril a ngawng leiin,

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

DÂN PAHNINA 27:15

“‘Themthiemhai kutsuok Lalpa ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

DÂN PAHNINA 4:28

Chutaka chun pathien, thing le lunga mihriem isiem, hmu thei lo, fa thei lo, rim khawm hre thei hlei lohai chu bieng in ta.

RORELTUHAI 10:14

In ithlang pathienhai chu ko ta unla, anni chun in lunginzîng pha chun sansuok el raw hai se cheu chu,” a ti a.