ISAI 44:5 - Pathien Lekhabu Inthieng (BSI)

⁵ Mi pakhatin Lalpa ta ka nih tîng a ta, mi dangin Jakob hming inbûk a ta; mi dangin a kutah, Lalpa ta tiha ziekin, Israel hming chu a chi hmingah hmang a tih,” tiin.

ISAI 44:5 ပူးပေါင်းရင်းမြစ်များ

2 CHANCHIN SUINA 36:23

“Persia lal Kura chun hieng ang hin a tih, Vâna Pathien Lalpa chun hnuoi chunga ram po po chu a mi pêk a; Juda rama Jerusalema chun in bâwlpêk dingin a mi ruot ta a. Nangni laia ama mihai taphawt kuoma chun Lalpa a Pathien chu um sienla, hang fe raw se,” tiin.

NEHEMIA 9:38

Chuong po po lei chun thu dettak kan thlung a, kan ziek a, kan mi lienhai, kan Levi mihai le kan thiempuhaiin an namdetpui a.

INPÂKNA HLABU 116:16

Aw Lalpa, i siehlaw ka ni tak zet el, I siehlaw i suoknu naupa chu ka na, Khuopa ka umnahai chu i mi sût ta a.

FESUOKNA 13:9

Chun, Lalpa Dân chu i baua a um theina dingin, i mithai kâra hriet zingna ding le, i kuthai chunga nangma ta dinga inchikna dingin nîng a tih; Lalpa chun kut thahrâtin Aiguptaa inthawkin a ṭhuoi suok ta si che a.

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

JEREMIA 32:10

Chun, thuziek chu suoi ka thaw a, ka nam ta a, chun, hrietpuitu ka ko a, ama chu bûkna chun tangka chu ka bûkpêk ta a.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun Lalpa chu hung zawm ve ro khai,’ tîng an tih.

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

2 KORINTH 8:5

Chu khawm chu kan ring naw ang takin an thaw a. Pathien dit zâwngin Lalpa kuoma le keini kuomah anni an inpêk hmasa zet zet a nih.

GALATI 6:16

Chun, chu dân anga um taphawthai chunga chun inremna le lunginsietna um raw se, Pathien Israelhai chunga khawm.

GALATI 6:17

Tuta chen chu tûkhawmin mi sukbuoi ta naw raw hai se, ka taksaa hin Isu inchiknahai ka put si a.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.