ISAI 44:3 - Pathien Lekhabu Inthieng (BSI)

³ Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 44:3 ပူးပေါင်းရင်းမြစ်များ

JOB LEKHABU (THE BOOK OF JOB) 5:25

I chithla chu a hung ropui ding a nih ti hre bawk i ta; I thlahai chu hnuoi chunga hlobet ang elin.

INPÂKNA HLABU 107:35

Thlalêr chu dîlah ân changtir hlak a, Ram ṭâwl chu tuihnârahai ân changtir bawk hlak.

INPÂKNA HLABU 63:1

Aw Pathien, nang chu ka Pathien i na, zîngkâr zawng ka ti che; Ram ṭâwl chautak, tui um nawna hmuna hin, Ka hringna hi nangma ngaiin a dangchâr a, ka tisa hin a ngai che a nih.

THUVARHAI 1:23

Ka kâwknaa hin nghakîr unla, Ngai ta u, in kuoma chun ka thlarau chu hung buok ka ta, Ka thuhai chu in kuomah inhriettir ka ti cheu.

ISAI 27:3

Kei Lalpa hi a vêngtu ka nih; mitkhapkâr tinin tui buok ka ta, tukhawma an tâwk nawna dingin a sûn a zânin vêng ka tih.

ISAI 32:15

Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ISAI 48:19

in thlahai khawm ṭieu phaiphin zâta umin, in rîla rahai khawm ṭieu pilvut mal tê tê zât rauin an um ding bah: an hming chu ka hmaa inthawka thaihmangin um naw ni a, sukbohmangin um bawk naw ni,” tiin.

ISAI 48:21

Thlalêrahai chun a ṭhuoi lai khan an dang a châr naw a; lungpuia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe lovin, a man khawm pe lovin inchaw ro.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun Lalpa malsâwm chi an nih ti hrieng an tih.

ISAI 65:23

A thlâwnin sin inrim naw ni hai a, vângduoina el dingin nau nei bawk naw ni hai a, Lalpa malsâwm mi thlahai an ni si a, an nauhai chu an kuomah um zing an tih.

EZEKIEL 34:26

Chun, ka tlâng sîra hmunhai le anni chu malsâwmah siem ka ta; ruohai khawm a huntakah hung insûrtir ka ta; malsâwmna ruohai sûr hlak a tih..

EZEKIEL 36:27

Nangnia chun ka thlarau sieng ka ta, ka thuruothai chu inhrawtir ka ti cheu a, ka thupêkhai chu zâwm in ta, thaw bawk in tih.

EZEKIEL 39:29

annia inthawk chun ka hmai chu thuppêk ta bawk naw ning a; Israel sûngkaw chunga chun ka thlarau ka buok ta si a, Lalpa Pathien chun a tih,” tiin.

EZEKIEL 47:8

Chun, ama chun ka kuomah, “Hieng tuihai hi saktieng rama inthawka hung suok an na, Arabaa chun fe thlâng an ta; chun, tuipui tieng fe pei an ta, tuipui tui al chu tui inthiengah inchangtir an tih.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

JOEL 2:27

Chun, Israelhai lai hin ka um ti le, Lalpa in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

JOEL 3:1

“Ngai ta u, chuong niahai le chuong pha chun, Juda le Jerusalem sala an um chu ka ṭhuoikîr nâwk pha chun,

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

MIKA 5:7

Jakob mi la um sun chu chi tamtakhai laia Lalpaa inthawka daidaw tla ang le, hlobet chunga raw sûr angin um a tih, chu chun mihriem a nghâk naw a, mihriem naupasal a nghâk bawk nawh.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MATTHAI 12:43

“Chun, khawhri inthieng naw chu mi sûnga inthawka a suokin, châwlna zawngin tui um nawna hmunahai ân vâk ân vâk a, a hmu ngai si naw a.

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 2:17

Pathienin, ‘Ni nuhnungahai chun hieng hi nîng a ta, Mi po po chungah ka Thlarau buok ka ta; Chuongchun, in naupahai, in naunuhaiin ka thu hril an tih; In tlangvâlhaiin inlârnahai hmûng an ta, In tarhaiin mangah mang an ta;

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura inthawkin a thlâwnin pêng ka tih.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.