ISAI 44:27 - Pathien Lekhabu Inthieng (BSI)

²⁷ tui inthûktak kuoma, ‘Kang intan rawh, i vadunghai khawm ka sukkang ding a nih,’ titu,

ISAI 44:27 ပူးပေါင်းရင်းမြစ်များ

INṬANNA 8:1

Chun, Pathienin Noa le lawnga a kuoma thilhring tinrêng le ran um po po chu a hriet zing a; chun Pathienin hnuoi chunga hin thli ân hrângtir a, chuongchun, tui chu a hung kang ṭan ta a,

INPÂKNA HLABU 74:15

Nang chun tuihnâr le tuilien chu în ṭhe huk a, Nang chun vadung lientak takhai chu i sukkang a.

FESUOKNA 14:21

Chun, Mosiein tuipui chunga chun a kut a phar a, chun Lalpain sak thli hrâttak zânkhawvâra hrângin tuipui chu ân luong kîrtir a, tuipui chu ram ṭâwlah a siem a, tuihai chu an inṭhe ta a.

ISAI 42:15

Tlânghai le muol pâwnghai chu sukchim ka ta, a hlohnahai po po chu sukṭâwl vawng ka tih: vadunghai chu thlierkâra hai siem ka ta, dîlhai chu sukkang ka tih.

ISAI 43:16

Lalpa chun hieng ang hin a tih: tuipuia lampui siemtu le, tui nasatakhaia lam siemtu;

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

ISAI 51:15

Kei Lalpa i Pathien, a fâwnhai chu inri hum hum khawpa tuipui chawklettu chu ka ni si a; ka hming chu sipaihai Lalpa a nih.

ISAI 63:12

A bân ropuitak Mosie changtienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

JEREMIA 50:38

A tuihai chunga chun kangna a um a, kangchat an tih; milem kerfâwm ram a na, milimah an invêt ri ngawt el a ni si a.

JEREMIA 51:32

fenahai chu khârin a um a, phairuonghai chu meiin an raw a, indo mihai khawm chu suklâuin an um ta a,” tiin.

JEREMIA 51:36

Chuleiin, Lalpa chun hieng hin a ti si a: “Ngai ta u, in thua chun ṭan ka ti cheu a, in ta dingin phuba lapêk ka ti cheu; chun, a tuipui chu sukkang ka ta, a tuikhur khawm chu sukhul ka tih.

ZEKARIA 10:11

Chun, ama chun sukrinumna tuipui chu fe thleng a ta, tuipui fâwnhai chu vuok hnuoi ning a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan ta a.