ISAI 44:26 - Pathien Lekhabu Inthieng (BSI)

²⁶ mâni siehlaw thu sukdet a, mâni palaihai remruot sukmuolsuotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chungchâng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 44:26 ပူးပေါင်းရင်းမြစ်များ

2 LALHAI 7:16

Chun, mipuihai chu an va suok a, Suria mihai riekhmun chu an va dap ta rak a. Chuongchun, Lalpa thu ang ngeiin beiphit indi mi tekhâwng khat chu shekel khatah an zawr a, buṭei tekhâwng hni chu shekel khatah.

2 LALHAI 7:18

Hieng hi a hung na, Pathien mi chun lal kuomah, “Zingah hieng tik phât hin Samari kul kawtkhâr bulah buṭei tekhâwng hni chu shekel khatah zawr an ta, beiphit indi mi tekhâwng khat chu shekel khatah,” a ti a;

2 LALHAI 7:20

chuong ang ngei chun a chungah a hung tlung ta a; mipuiin kul kawtkhâr bula chun an chîl nuoi nuoi a, an chîlhlum ta a.

EZRA 2:70

Chuongchun, thiempuhai, Levi mihai le chi ṭhenkhathai le, hla saktuhai le, kawtkhâr vêngtuhai le temple siehlawhai chu an khuohaia chun an um ta a; chuongchun, Israel mi po po chu an khuoahai chun an um ta bawk a.

NEHEMIA 1:3

Ka kuoma chun, “Sala intâng suok tah, chu rama dama la umhai chu chan setak le hrilsietin an um a; chun, Jerusalem kul chu a chim rem rum ta a, a kawtkhârhai khawm a kâng a,” an ti a.

NEHEMIA 2:3

Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram ta a, a kawtkhârhai chu a kâng vawng ta si a, lungngai hmêl put lo thei am nîng ka ti?” ka ti a.

INPÂKNA HLABU 102:17

Pasiehai ṭawngṭâina chu a ngaisak a, An ṭawngṭâina chu a hmusit nawh.

INPÂKNA HLABU 147:2

Lalpa chun Jerusalem chu ân ngîr nâwk a. Israel hnawtsuoka umhai chu a ṭhuoi khâwm nâwk a.

INPÂKNA HLABU 69:35

Pathienin Zion chu sansuokin, Juda khuohai chu a siem ding a ni si a, Chuongchun, chutaka chun um an ta, nei nghâl an tih.

INPÂKNA HLABU 69:36

A siehlawhai thlahai khawm chun hluosâwng an ta, A hming ngainatuhai chu a sûngah um an tih.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 42:19

Ka siehlaw naw chu tu mit am ân del a? Annawleh, ka tirko tir angin tu na am a sêt a? A mi remtu angin tu mit am ân del a? Lalpa siehlaw angin tu mit am ân del a?

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 55:11

chuong ang bawkin ka baua inthawka ka thu suok chu um a tih: iengkhawm thaw nei lovin ka kuomah hung kîr nâwk naw ni a, ka dit ang chu thaw lem a ta, thil thaw dinga ka tirnaa chun hlawtling bawk a tih.

ISAI 58:12

Chuongchun, nangmaa in- thawka la hung insieng dinghai chun hmun hlui se ta hnunghai chu rem nâwk an ta, suon tamtak lungphûm chu hung rem nâwk i tih, chuongchun, nang chu, ‘A sietna lai siem ṭhatu,’ ‘Mi umna dinga lampuihai siem ṭhatu,’ tîng an ti che.

ISAI 60:10

Ram dang mihai chun i kul banghai chu rem nâwk an ta, an lalhai khawma i rawng bâwl tâng an tih: ka lunginsen chun ka vuok che a, nisienlakhawm, ka ditsaknain ka lunginsiet si che a ni hi.

ISAI 61:4

Chun, hmun hlui se tahai chu rem nâwk an ta, kha hmaa khuo râusana lo um tahai chu inngîr ṭha nâwk an ta, khawpui se tah, suon tamtak râusana um ta chu siem ṭha nâwk an tih.

JEREMIA 1:10

En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 28:9

Zâwlnei thlamuongna thu hriltu chu, chu zâwlnei thuhril chu a hung tlung pha chun, chu zâwlnei chu Lalpa chun ama chu a tir taktak a nih ti hriet a nih,” tiin.

JEREMIA 30:18

Lalpa chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 32:15

Sipaihai Lalpa, Israel Pathien chun hieng hin a ti si a: Inhai, lohai, grêp huonhai chu hi rama hin inchâwk la ni nâwk an ti a ti si a,’ ” tiin.

JEREMIA 32:44

Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khawpuiahai dâm, phairuoma khawpuihaia dâm, Sima khawpuiahai dâm chun: an sal intângnaa inthawkin kân kîrtir ding a ni si a, Lalpa chun a tih” tiin.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

EZEKIEL 36:10

chun, nangniah mihai, Israel sûngkuo po po chu, an rêng elin, sukpung ka ta, khawpuihai chu hluoin um an ta, hmun suksieta um tahai khawm chu siem nîng an tih;

EZEKIEL 38:17

Lalpa Pathien chun hieng hin a tih: ka siehlaw Israel zâwlneihaiin kum tamtaka chun anni indotir ka ti che tia chuong nihaia an lo hril, tienlaia a chanchin an lo hril hlak kha i ni naw am a nih?

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâktaka khawm chun.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

HAGGAI 1:13

Chun, Lalpa mitir Haggai chun Lalpa thucha chu mipuihai kuoma chun, “In kuomah ka um, Lalpa chun a tih,” tiin a hril a.

ZEKARIA 1:17

La khêk nâwk la, sipaihai Lalpa chun hieng hin a tih: Ka khawpuihai chu hausakna leiin hung inzar lien a ta; chun, Lalpa chun, Zion chu la thlamuon nâwk a ta, Jerusalem chu la thlang nâwk a tih,’ ” tiin.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

MATTHAI 26:56

Nisienlakhawm, zâwlnei lekha thuhai a tlung theina dingin hieng po po hi a hung tlung tah a ni hi,” a ta. Chu lai chun, inchûktirhai po po chun ama an thlathlam a, an tlân hmang ta vawng a.

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thaihâng chite amanih, pakhat khawm, bo naw tawp a tih, a rênga a tlung kim hmakhat chun.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.