ISAI 44:25 - Pathien Lekhabu Inthieng (BSI)

²⁵ Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

ISAI 44:25 ပူးပေါင်းရင်းမြစ်များ

2 SAMUEL 15:31

Chun, tuin amanih David chu, “Ahithophel chu Absalom tienga ṭhangin thu phiertuhai lai a ṭhang ve,” tiin a hril a. Chun, David chun, “Aw Lalpa, Ahithophel remruot chu invêtnaa inchangtir dingin ka ngên che,” a ta.

2 SAMUEL 16:23

Chuong laia rem a ruot, Ahithophel remruothai chu, Pathien thu ngai anga ngai a ni hlak a, chuong ang bawk chun, Ahithophelin David le Absalom rem a ruotpuihai po po chu ngai a ni hlak.

2 SAMUEL 17:23

Chun, Ahithophel chun a remruot ang chu an pawm nawh ti a hrietin a sabengtung chu a siem a, a suok a, a khuo tieng a fe ta a, a sûnghai khawsak dân ding a ruotpêk diem a, ân âwkhlum ta a; chuongchun, a thi a, a pa thlânah an phûm ta a.

1 LALHAI 22:37

Chuongchun, lal chu a thi ta a, Samari khuoa chun an lûtpui a; Samari khuoa chun lal chu an phûm ta a.

2 CHANCHIN SUINA 18:11

Chuongchun, zâwlneihai po po chun, chuong ang seng chun an hril ta a, “Ramoth-gileada chun hang fe la, hang hlawtling rawh, Lalpa chun lal kuta chun a pêk suok ngei ding a ni si a,” tiin.

2 CHANCHIN SUINA 18:34

Chu ni chun indona chu a zuol pei a, ngai ta, Israel lal chu Suriahai chu doin a tawlailîra chun zântieng chenin a ṭhang zing a; chun, ama chu nisa tlâk hun lai taka hin a thi ta a.

INPÂKNA HLABU 33:10

Lalpain hnam tin remruot chu iengkhawm ni lovah ân changtir a, Mi tin ngaituohai chu iengkhawm ṭhathnemna nei lovin a siem hlak.

FESUOKNA 9:11

Chun, khuoihlihai lei chun aisânthiemhai chu Mosie hmaa chun an ngîr thei ta naw a; chu khuoihli chu Aigupta mihai po po le aisânthiemhai chunga khawm a um seng si a.

ISAI 19:3

Chuongchun, Aigupta mihai thlarau chu an sûnga chun iengkhawm ni lova siemin um a ta; an remruot chu suksieng ka tih: chuongchun, milimhai le, aikeithiemhai le, khawhri aisânthiem zâwlhai le, dawithiemhai chu râwn an tih.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuongchun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

JEREMIA 49:7

Edom chungthu, Sipaihai Lalpa chun hieng hin a tih: “Temana chun varna a um ta naw a ni maw? Mi vara inthawka thurâwn an bohmang ta a ni maw? An varna chu a bohmang a ni ta maw?

JEREMIA 50:36

Chapohai chunga chun kâwl- hnâm chu a um a, invêtpui an ta, kâwlhnâm chu a mi thilthawtheihai chungah a um a, beidawng an tih.

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai Lalpa chun a tih.

DANIEL 1:20

Chun, varna le hrietthiemna kawng tinrêngah, lalin a indawn ta hrim hrima chun, a ram sûnga aisânthiemhai le mitvaidawi thiemhai po po nêka le sâwma var lemin anni chu a hriet a.

DANIEL 4:7

Chun, mitvaidawithiemhai, aisânthiemhai, Kaldai mihai le vânghriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei naw a.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau mi chu ân hâi a nih.

MIKA 3:7

Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si naw a.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.

NAMBAR 23:23

Jakob chungah dawi invêtna a um naw a. Israelhai chunga sietna ding hrillâwkna a um bawk nawh. Jakob le Israelhai chanchin an hril zâtin, “Pathien thilthaw chu a va mak de!” tîng an tih.