ISAI 44:22 - Pathien Lekhabu Inthieng (BSI)

²² In bawsietnahai chu sûm sâmup sukboin ka sukbo ta a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 44:22 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “Lalpa chungah thil ka lo suksuol tah a nih,” a ta. Chun, Nathan chun David kuomah, “Lalpa khawma i suol chu a sie hmang ve ta a; thi naw ti nih.

2 CHANCHIN SUINA 6:21

Hi hmun tieng hi nghaa an ṭawngṭai pha chun i mi Israelhai le i siehlaw hnina chu lo ngai la; anih, i umna vâna inthawk ngei chun lo hre la; chun, i lo hriet chun ngaidam bawk la.

NEHEMIA 4:5

an bawsietnahai chu inkhum naw la, an suolnahai chu i hmaa inthawka thaihmangin inumtir naw rawh; kul siemtuhai hmaah an suklungsen che hi.

JOB LEKHABU (THE BOOK OF JOB) 37:11

Anih, sûm sâtak chu tuihuin a sukrik a, A kâwlinlep sûm chu a thedar ta a.

INPÂKNA HLABU 103:12

Sak le thlang ân hlat angin, Ei bawsietnahai chu ei kuoma inthawkin a sie hmang dai ta a.

INPÂKNA HLABU 109:14

A thlatuhai rîtlona chu Lalpa kuomah hriet zingin um sien la, A nu suolna chu thai hmangin um naw raw se.

INPÂKNA HLABU 130:8

Chuongchun, ama chun Israelhai chu, An rîtlona po poa inthawkin sansuok a tih.

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 51:9

Ka suolnahaia inthawk hin i hmai thup la, Ka rîtlona po po hi thaihmang rawh.

FESUOKNA 18:9

Aigupta mihai kuta inthawka sansuokin, Israelhai chunga Lalpain thilṭha a thaw po pohai chunga chun Jethro chu a lâwm hle a.

ISAI 1:18

Lalpa chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 1:27

Zion chu rorêlna fela sansuok ni tâng a ta, a sûnga mi nghakîr nâwkhai khawm felnaa sansuok nîng an tih.

ISAI 31:6

“Aw Israel thlahai, nasataka in helsan tieng chu ngha nâwk ta ro.

ISAI 33:24

Chu khuoa um chun, “Ka damnaw ie,” ti naw ni a, a sûnga mi umhai chu suol ngaidamin um an tih.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

JEREMIA 18:23

Amiruokchu, Lalpa, mi thatna dinga ka chunga an thu inrâwnna po po kha i hriet a, an suolna chu ngaidam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

JEREMIA 33:8

An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

JEREMIA 50:20

Chuong niahai chun, chuong pha chun, Lalpa chun a tih: Israel suolna chu zawng nîng a ta, iengkhawm um naw ni; chun, Juda suolna khawm chu hmu ni ta naw ni a; a mahla anga ka hla tahai chu ka ngaidam ding a ni si a.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 1:3

Chuleiin, nangin an kuomah, Lalpa chun, hieng hin a tih tiin hril rawh: Sipaihai Lalpa chun, ka kuomah hung kîr ro, a tih; chuongchun, in kuomah hung kîr vêng ka tih, sipaihai Lalpa chun a tih.

ZEKARIA 3:4

Vântirko chun, a hmaa ngîrhai kuoma chun, “Amaa inthawkin silfên ṭawptak kha la hmang ro,” a ta. Chun, ama kuoma khawm chun, “Ngai ta, i suolna chu nangmaa inthawkin kân fe hmangtir ta a, silfên man tamtakin kân thuom ding che a nih,” a ta.

1 KORINTH 6:20

mana inchâwk in ni tah in sawnnaw; chuleiin, in taksaa chun Pathien chawimawi ro.

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”