ISAI 44:19 - Pathien Lekhabu Inthieng (BSI)

¹⁹ Tukhawma an hriet suok nâwk naw a, “Ṭhenkhat chu meiah ka ti si a; anih; a aia khawm bei ka em nghe nghe a; sa khawm ka raw a, ka fâk si a, a mahla chu thil tirdakumah ka siem ding am a nih? Thinga mi bawkkhupin chibai ka bûk ding am a nih? ti dingin annia chun hrietna le hrietthiemna a um bawk nawh.

ISAI 44:19 ပူးပေါင်းရင်းမြစ်များ

1 LALHAI 11:5

Solomon chun Zidon mihai pathiennu Astoreth le Ammon mihai pathien tirdakumtak Milkom chu a lo zui ve ta a.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

2 LALHAI 23:13

Chun, Jerusalem bul sietna tlâng changtieng panga Zidonhai pathien tirdakumtak Astoreth ta ding dâm, Moabhai pathien tirdakumtak Kemos ta ding dâm, Ammon thlahai pathien tirdakumtak Milkom ta ding dâm, Israel lal Solomonin bâwlhmun a siemhai chu lal chun a sukbo vawng a.

2 LALHAI 23:14

Chun, lungphunhai chu a suknâwi vawng a, Aserahai chu a phûrthlûk a, chuong hmunhaia chun mihriem ru a sie ta a.

FESUOKNA 7:23

Pharao chu a kîr a, a inah a fe ta a, a lungrilah hi thu hi a ngaituo bawk nawh.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 46:8

Aw bawsetuhai, chu chu hre zing unla, insukpasal unla, hre suok nâwk ro.

ISAI 5:13

Chuleiin, ka mihai chu, hrietna an nei naw leiin, sala ṭhuoiin an um ta a; an mi inzâumhai chu an phîng a ṭâm a, an mipuihai chu dangchârin an dang ân hil zo ta a.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

EZEKIEL 40:4

Chu mi chun ka kuomah, “Mihriem naupa, i mithai khan en la, i nahai khan lo ngai bawk la, ka în hmutir dinghai che po po chunga chun i lungril sie rawh; i kuoma kân hmutir theina ding chea hi tienga hung ṭhuoi i ni hrim a; chuongchun, i hmuhai po po chu Israel sûngkuo kuoma chun puong rawh,” a ti a.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathien chu tlânsanin nawchi an zawr ta a.

HOSEA 7:2

An rîtlona po po chu ka hriet zing ti An lungrilin an ngaituo nawh; Tuhin chu an thilthawhai ngeiin a chîm vêl tlat ta a, Ka hmaihma ngeiah an um a nih.

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

DÂN PAHNINA 27:15

“‘Themthiemhai kutsuok Lalpa ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

DÂN PAHNINA 32:46

“Tuta in kuoma ka thu inhriettira cheu hin, in lungril innghat tlat unla, hieng dân thuhai po po hi fîmkhurtaka zâwm dingin in nauhai chu thu pe ro.