ISAI 44:17 - Pathien Lekhabu Inthieng (BSI)

¹⁷ A mahla chu pathienah a siem a, a siem fâwm milim ngeia chun; chu chu bawkkhupa chibai bûkin a biek a, a kuomah a ṭawngṭai a, “Mi sanhim rawh, ka pathien i ni si a,” a ti hlak.

ISAI 44:17 ပူးပေါင်းရင်းမြစ်များ

1 LALHAI 18:26

Chun, bâwngchal an puol chu an lâk a, an buotsai ta a, “Aw Baal, mi hung dawn raw khai,” tiin zîngkâra inthawka sûn chenin Baal hming chu an ko a. Nisienlakhawm, riva iengkhawm a um dêr naw a, a dawntu hrim hrim hlak an um bawk nawh. Chun, an maichâm siem vêla chun an inchâwm an inchâwm el a.

1 LALHAI 18:28

Chun, inringtak takin an khêk a, an thaw hlak angin chemtê le feihaiin an thi suok zawt zawt khawpin an inâtin an insun a.

ISAI 2:8

An ram chu milimin a sip a, anni kuta thaw suok, anni kutpârhaia siem chu an biek hlak.

ISAI 37:38

Chun, a pathien Nisrok ina chun pathien a biek laiin a naupasalhai Adrammelek le Sarezer hai chun kâwlhnâmin an sât hlum a; chuongchun, an tlânhmang a, Ararat rama chun an lût ta a. Chun, a naupa Esar-haddon chun ama aiawin ro a rêl ta a.

ISAI 44:15

Chu hnunga chun mi ta dinga meia ti ding ni tâng a tih; chutaka mi chu a lâk a, ân suklum hlak, anih, meiah a sêm a, bei a em hlak; anih, pathien a siem a, a biek hlak; chu thing chu milim siem fâwmah a siem a, chu chu bawkkhupin chibai a bûk hlak.

ISAI 44:16

Chu thing chu aṭhen chu meiah a ti a, aṭhen chu sa fâkna dingin a hmang a; sa a raw a, a tlai hlak; anih, mei lum a awi a, “Chei, ka lum tah, mei hmêl ka hmu ta le!” a ti a.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 46:6

Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an ti a, an hmai tieng ni lovin, an hnung an mîn nghat ta si a; an buoi lai huna ruok chun, ‘Hung tho la, mi sanhim rawh,’ an ta.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 3:29

Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.

DANIEL 6:16

Chun, lal chun thu a pêk a, Daniel chu an hung ṭhuoi a, sakeibakneihai pûka chun an pei lût ta a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che, ” a ta.

DANIEL 6:27

Ama chun a sansuokin a sanhim a, Hnuoi le vâna khawm thilmakhai le inchiknahai a thaw a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

MIKA 5:12

i kuta inthawkin dawi thiemnahai chu sukbohmang ka ta, aisân thiemnahai chu nei ta naw ti ni;

HABAKKUK 2:19

Thing kuoma chun, “Har rawh,” ti a, Lung kuoma chun, “Tho rawh,” titu chu a chung a rik ie! Hi hin ân chûktir ding am a nih? En ta u, rângkachak le tangkaruo inluon khum a na, Amaa hin inthuokna hrim a um dêr nawh.

THILTHAWHAI 19:27

Chuongchun, ei sinthaw lân a tih ti chau khawm hi ni lovin, pathiennu ropuitak Diana biekin khawm hi hung ngaitlâwm an ta, Asia rama mi po po le khawvêla miin an biek hlak hi, a ropui vei leh, tlâwm a tih ti ṭi a um bawk a nih,” a ta.