ISAI 43:9 - Pathien Lekhabu Inthieng (BSI)

⁹ Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

ISAI 43:9 ပူးပေါင်းရင်းမြစ်များ

INPÂKNA HLABU 50:1

Iengkimthawthei, Pathien ngei, Lalpa chun thu a hril a, Leihnuoi hi nisa suoknaa inthawka a tlâkna chenin a ko ta a.

ISAI 34:1

Hnam tinhai, naa hre dingin hung hnai ta u; mi tinhai, ngai ta u; hnuoi le a sûnga um po pohai chun nain hre raw hai se; khawvêl le a sûnga inthawka suok po pohai leh.

ISAI 41:1

Aw thlierkârhai, ka hmaa chun to ṭhiep ro; mi tin chun an hrâtna sukthar nâwk hai sienla, hung hnâi tâwl raw hai se; chu hnunga chun hril raw hai se; rorêl dingin inhnai tâwl ei tiu khai.

ISAI 43:26

Mi hrietpui ta u, ngaituo hmun-khat ei tiu; thiem inchangtira in um theina dingin in thu chu hril ro.

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka ti a,

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? Lalpa chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

ISAI 48:3

Kha hma thilhai chu tiena tlângah ka lo hril ta a, anih, ka baua inthawkin a suok a, kân hriettir a; kârlovin ka muolsuo thut a, a hung tlung ta a.

JOEL 3:11

A vêla hnam po pohai, inhmaw unla, pungkhâwm unla, hung tâwl ro; aw Lalpa, chutaka chun i mi hrâttakhai infe thlâktir rawh.