ISAI 43:6 - Pathien Lekhabu Inthieng (BSI)

⁶ hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 43:6 ပူးပေါင်းရင်းမြစ်များ

INPÂKNA HLABU 107:3

Ram tina inthawka a ṭhuoi khâwm, Sak le thlang, sim le hmâra inthawkhai dâm chun.

ISAI 11:12

Chun, hnam tin ta dingin inchikna târ suok a ta, Israel hnawt suoka umhai chu ṭhuoi khâwm a ta, Juda indarhai kâwl kil lia inthawkin ṭhuoi khâwm a tih.

ISAI 18:7

Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 49:22

Lalpa Pathien chun hieng ang hin a tih, “Ngai ta, hnam tin ta dingin ka kut ka pharin, mi tin ta dingin kân chikna târ suok ka tih; chuongchun, i naupasalhai chu apawma pawmin i kuomah hung ṭhuoi ka ta, i naunuhmeihai khawm an liengkoa puta hung ṭhuoiin um an tih.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 60:4

Tang la, i mit inlên vêl la, en rawh: an rêngin an inkhâwm a, i kuomah an hung a ni hi: i naupasalhai chu hlataka inthawkin hung an ta, i naunuhmeihai chu hung pawm an tih.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 66:20

Israel thlahaiin an thilinhlân chu bûrlebêl inthiengtaka Lalpa ina an hung lâklût hlak ang hin, Lalpa kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; Lalpain a tih.

JEREMIA 23:8

Hmâr rama inthawk le anni ka hnawt hmangna ram po pohaia inthawka Israel sûngkuo chu enkawla ṭhuoitu Lalpa ti ni lem tâng a tih: chuongchun, anni ram ngeia chun chêng tâng an tih.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 31:8

Ngai ta u, hmârtieng rama inthawk chun anni chu hung ṭhuoi ka ta, chun, hnuoi hmun hlatakhaia inthawk chun, anni le mitdel dâm, ke inbai dâm, nuhmei nau pawmlai dâm, nauhase nat tuor lai dâm chu hung ṭhuoi khâwm ka tih; chuongchun, pâwl ropuitak chu hitieng hin hung kîr an tih.

EZEKIEL 36:24

Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

EZEKIEL 37:21

Chun, an kuoma chun, ‘Lalpa Pathien chun hieng hin a tih: Ngai ta u, hnamhai an lo fe hmang ta nahai laia inthawkin Israel thlahai chu lâng ka ta, kil tina inthawkin ṭhuoi khâwm ka ta, anni ram ngeia chun hung ṭhuoi ka ta;

JOEL 3:7

ngai ta u, in zawrna hmuna inthawk khan chawkthoin insuoktir ka ta, in thungna chu in lu chung ngeiah thung vêng ka tih.

ZEKARIA 6:6

Tawlailîr sakawr dum ihnûk chu hmâr ram tieng a fe suok hlak a; a vâr ihnûk chun a zui a; chun, a râng ihnûk chu simtieng rama chun a fe suok a.

DÂN PAHNINA 30:4

Nangni laia mi kâwlkawdawng chena hnawtdawk an um chun, Lalpa in Pathien chun chutaka inthawk chun ṭhuoi khâwm a ti cheu a, chutaka inthawk chun ṭhuoikîr nâwk a ti cheu.