ISAI 43:28 - Pathien Lekhabu Inthieng (BSI)

²⁸ Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngsephurah siem ka tih; Israelhai chu insêlna bûrah siem bawk ka tih.

ISAI 43:28 ပူးပေါင်းရင်းမြစ်များ

2 SAMUEL 1:21

Nangni Gilboa tlânghai, In chungah dâidâw le ruo khawm tla naw raw se; thil inhlân ding khawm insuo bawk naw ro. Chutaka chun mi thilthawthei phaw chu tirdakumtakin an pei si a; Saula phaw, hrieknâl lo mi phaw ang elin.

1 CHANCHIN SUINA 24:5

Chun, ṭhumvâwra ṭhe an na, chi dân dang dangin, Ithamar naupasalhai le Eleazar naupasalhai laia chun Pathien in hotuhai le hmun inthienga hotuhai chu an um ve ve si a.

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

INPÂKNA HLABU 79:4

Kan vêla mihai hrilsietin kan lo um a, Kan dep vêla mihai hmusit le nuisanin kan lo um a,

INPÂKNA HLABU 89:39

I siehlaw thuthlung chu i tirdak a, A lallukhum chu hnuoia peithla hielin i suktlâwm ta a.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiemnaw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 34:5

Ka kâwlhnâm chun vânah tlaitakin a dâwn ta si a, ngai ta, chu chu, rorêl dingin, Edom mihai chunga le, ka ṭawngse inphur mihai chunga chun tlâng a tih.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa Pathien chun sukhlum a ti cheu a, chun, a siehlawhai chu hming dangin ko tâng a tih;

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 52:27

Babulon lal chun anni chu a hrem a, Hamath rama Riblaa chun anni chu a that tâwl ta a. Chuongchun, a rama inthawk chun Juda chu sala intâng dinga ṭhuoi a ni ta a.

ṬAP HLA 2:2

Lalpa chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm ta a.

ṬAP HLA 4:20

Ei hnârkuo thuok, Lalpa hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei ti a.

EZEKIEL 5:15

Chuongchun, vauna ṭiumhai le, lunginthak le lunginsennaa rorêlnahai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei Lalpa hin ka hril ta a nih:

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

DANIEL 9:14

Chuleiin, Lalpa chun thil ṭha naw chu a hmu zing a, kan chungah a hung intlungtir tah a nih; Lalpa kan Pathien chu a sinthaw a thawhai po poa chun a fel a nih, keini ruok chun a râwl chu kan awi naw a.

ZEKARIA 5:3

Chun, ka kuoma chun, “Hi hi ṭawngsie ram pumpui chunga fe suok hlak chu a nih, tukhawm inru taphawt chu phêk khingkhata ziek anga pei thlâk nîng a ta, tukhawm inkhâm taphawt chu phêk khingtienga ziek anga pei thlâk a ni ding a ni si a,” a ta.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

1 THESSALONIKA 2:16

sandam an ni theina dinga Jentailhai laia thu hril an mi khap hlak si a, chuong anga an suol inkhina suksip rawp dingin, nisienlakhawm, lunginsenna chu an chungah a tâwp khâwk râwtin a hung tlung tah.