ISAI 43:21 - Pathien Lekhabu Inthieng (BSI)

²¹ chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 43:21 ပူးပေါင်းရင်းမြစ်များ

INPÂKNA HLABU 102:18

Chu chu ruolthar la hung um dinghai ta dingin ziek nîng a ta, Hnam siema la hung um ding chun Lalpa chu inpâk an tih.

INPÂKNA HLABU 102:19

Ama chun a hmun inthieng insângtaka inthawkin a zuk thlîr a, Lalpa chun vâna inthawk khin hnuoi hi a hmu a;

INPÂKNA HLABU 4:3

Lalpa chun Pathien ngaisak mi chu ama ta dingin a sie tum ti hi hre lem ro: Lalpa chun ka ko po leh ngai a tih.

INPÂKNA HLABU 79:13

Chuongchun, keini i mihai, i ran tlatna hmuna berâmhai hin, Kumkhawtluongin lâwmthu hril kan ti che a, Suon po po chenin nangma inpâkna chu inhriettir pei kan tih.

THUVARHAI 16:4

Lalpa chun thil tinrêng hi san nei sengin a siem a, Anih, mi khawhlo ngei khawm chu ni ṭha nawa dingin.

ISAI 42:12

Lalpa chu sukropui sienla, thlierkârahai chun ân pâkna thu hril raw se.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 50:7

Lalpa Pathien chun a mi ṭhangpui ding a ni si a; chuleiin, kân zak ngai naw a; chuleiin, meitâwklung ang tlatin ka ngha hlak, muolpho naw ning ti ka hriet.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

JEREMIA 13:11

Hrênpuon chu mi kâwnga a kawp tlat angin, Juda sûngkuo po po le Israel sûngkuo po po chu keimaa kawp tlat dingin ka siem an nih, Lalpa chun a tih: keia ta dinga mihai an ni a, hming an ni a, inpâkna an ni a, ropuina an ni theina dingin, nisienlakhawm, an ngai si naw a.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

MALAKI 3:17

Sipaihai Lalpa chun, “Anni chu ka tahai nîng an ta, ro mak bîktak ka siemna nia ngei chun; chun, miin a naupa ama rawngbâwltu chu a hla hlak angin anni chu hlâng ka tih.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

EPHESI 3:21

chatuonin, suon po po chenin kohrana le Krista Isua chun ropuina um raw se. Amen.

KOLOSSA 1:16

Amaa chun iengkim siem a ni si a; vâna umhai, hnuoia umhai leh, hmu thei lo le hmu theihai le chun, lalṭhungphahai khawm, rorêlnahai khawm, inlalnahai khawm, thuneinahai khawm, iengkim amaa chun, ama ta ding bawka siem a nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.