ISAI 43:19 - Pathien Lekhabu Inthieng (BSI)

¹⁹ Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 43:19 ပူးပေါင်းရင်းမြစ်များ

INPÂKNA HLABU 105:41

Lungpui chu a hawng a; chuongchun, tui a hung suok zur zur a, Hmun ṭâwlahai chun vadung ang el hin a luong ta a.

INPÂKNA HLABU 126:4

Aw Lalpa, sala kan intâng hi mi ṭhuoi kîr nâwk la, Sim rama vadunghai angin,

FESUOKNA 17:6

Ngai ta, Horeba lungpui chunga sawn i hmaah ngîr ka ta; chun, lungpui chu vuong i ta, a sûnga inthawkin tui hung suok a tih, mipuiin an dâwn theina dingin,” a ti a. Mosie chun Israel upahai mithmu ngeiah chuong ang tak chun a thaw ta a.

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 33:21

Chutaka chun Lalpa, vadung lientak tak le, vadungtêhai um nghên nghuonna hmun chu, ropuitakin ei kuomah um lem a tih; chuong tui chunga chun indona lawng lientak kheraval nei mi hrim hrim fe naw ni a, lawng lien ropuitak khawma fe khêl bawk naw nih.

ISAI 35:1

Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.

ISAI 41:18

Tlâng insâng kawl vel vula chun vadunghai inluong suoktir ka ta, ruom laiahai chun tuihnârhai insuoktir bawk ka tih; thlalêr chu dîlah siem ka ta, ram ṭâwl chu tuihnârah siem bawk ka tih.

ISAI 41:19

Thlalêra chun sidar thing dâm, sittim thing dâm, inhmui thing dâm, hriek thing dâm phun ka ta; ram ṭâwla chun fâr dâm, phân dâm, fârsuok dâm phun vawng tâwl ka tih;

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 48:5

tienlaia inthawkin in kuomah ka hril a, a hung tlung hma khawma in kuomah kân hriettir cheu kha; chuong naw chun, “Ka milim chun a ti a nih, ka milim siem fâwm le ka milim sung chun thu a pêk a nih,” ti rawi in tih.

ISAI 48:6

In hriet de kha; hieng po po hi en ro; nangnîn in hril ding a ni lem ta naw am a nih? Tuta chen chu thil thar inhriettir tâng ka ti cheu, thil inthup in hriet ngai nawhai chu.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

JEREMIA 23:7

Chuleiin, ngai ta, nihai chu a hung tlung mêk, Lalpa chun a tih; Aigupta rama inthawka Israel mipuihai ṭhuoi suoktu Lalpa chu a hring zing angin, ṭi ta naw ni hai a,

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

NAMBAR 20:11

Mosie chun a bân a phar a, lungpui chu a hmawl chun vawi hni a hang vuok a; chuongchun, tui a hung suok ta zur zur el a, pungkhâwmhai le an ranhai chun an dâwn ta a.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

DÂN PAHNINA 8:15

Ama chun thlalêr lientak le rapthlâktak, rûl chukna chi le ainuvêt umna, tui um nawna, ram ṭâwlah a ṭhuoi thleng cheu a; meitâwklung lungpuia inthawk chun tui a suksuokpêk cheu a,

THUPUONGSUO 21:5

Chun, lalṭhungphaa ṭhung chun, “Ngai ta, thil iengkim ka siem thar ie,” a ta. Chun, “Ziek rawh, hieng thu hi ring a umin ân dik si a,” a ti bawk a.