ISAI 43:11 - Pathien Lekhabu Inthieng (BSI)

¹¹ Kei, keima ngei hi, Lalpa chu ka nih; keima naw chu sandamtu hrim hrim an um nawh.

ISAI 43:11 ပူးပေါင်းရင်းမြစ်များ

INPÂKNA HLABU 3:8

Sandamna chu Lalpa ta a na, I malsâwmna chu i mihai chungah um raw se.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 19:20

Chu chu Aigupta rama sipaihai Lalpa ta ding chun inchikna le hrietna nîng a tih, nêksâwrtuhai leiin Lalpa chu an la ko ding a ni si a; chuongchun, ama chun sandamtu le humhimtu tir a ta, ama chun annirawi chu sansuok a tih.

ISAI 42:8

Lalpa chu ka nih, chu chu ka hming a nih; ka ropuina hi mi dang kuomah pe naw ningah a, inpâk ka hlawna hi milim siem fâwmhai kuomah pe bawk naw ning.

ISAI 43:3

Kei hi Lalpa in Pathien Israelhai Mi Inthieng, nangni sandamtu ka ni si a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

HOSEA 13:4

Kei ruok hi chu Aigupta rama inthawk ta a, Lalpa i Pathien chu ka na, Kei ti naw chu Pathien dang i hriet ngai naw a; Kei naw hi chu sandamtu dang an um nawh.

JONA 2:10

Chun, Lalpa chun nga chu a biek a, Jona chu khawmuolah a luok suok ta a.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

LUKA 1:47

Ka thlarau khawm a mi sandamtu Pathien chungah a lâwm bêk bêk a,

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

THILTHAWHAI 4:12

Mi dang tu kuoma khawm sandamna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

DÂN PAHNINA 6:4

“Aw Israel mihai, lo ngai ta u, Lalpa ei Pathien chau chu Lalpa a nih;

TITA 2:10

kutkem hmang lo ding le, ringumna indik le ṭha po po suklang lemna dinga, Pathien ei Sandamtu inchûktirna thu chu iengkima an chawimawi theina dingin infui rawh.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.