ISAI 42:5 - Pathien Lekhabu Inthieng (BSI)

⁵ Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 42:5 ပူးပေါင်းရင်းမြစ်များ

INṬANNA 1:1

A tîrin Pathienin hnuoi le vân a siem a.

INṬANNA 2:7

Chun, Lalpa Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni ta a.

JOB LEKHABU (THE BOOK OF JOB) 12:10

Ama kuta chun thilhring po po hringna chu a um a, Mi chi tinrênghai thlarau leh.

JOB LEKHABU (THE BOOK OF JOB) 27:3

Ka hringna chu keimaa a um sûng phawt le, Pathien thuok chu ka hnarkuohaia a um sûng phawt chun,

JOB LEKHABU (THE BOOK OF JOB) 33:4

Pathien Thlarau chun a mi siem a, Iengkimthawthei thuok chun hringna a mi pêk a.

JOB LEKHABU (THE BOOK OF JOB) 34:14

Ama le ama chunga chun a lung inkîr lêt sienla, Ân thuokna le a thlarau chu ama kuoma chun la khâwm sienla chu;

INPÂKNA HLABU 136:6

Hnuoi hi tui chunga sie duoitu kuoma chun: A ngilneina chu kumkhawtluongin a um ding a ni si a.

INPÂKNA HLABU 33:6

Lalpa thuin vânhai chu siem a na, Chuonga umhai po po khawm chu a baua thuok chun siem an ni bawk a.

INPÂKNA HLABU 96:5

Mipuihai pathienhai chu milimhai an ni si a, Lalpa ruok chun vânhai khi a siem a nih.

ISAI 37:16

“Aw sipaihai Lalpa, Israel Pathien, cherubhai chunga ṭhung, nang hi, nang chau hi, hnuoi chunga um po pohai Pathien chu i nih, nang chun hnuoi le vân hi i siem a nih.

ISAI 40:12

Tuin am tuihai chu a kutpha zâwla chau inkhi a, vân khi khâp chaua inkhi a, hnuoia pilvut hi tekhâwng pakhat chaua thun vawng a, tlânghai chu khaina chaua bûk a, muol pâwng hai chu bûkna chaua bûk kha le?

ISAI 40:22

Ama chu leihnuoi inkuolkhumna chunga ṭhung chu a nih; a mithmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a;

ISAI 40:26

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, Lalpa, kâwlkawdawng chen Siemtu chu, a châu ngai naw a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 45:12

Hnuoi hi ka siem a, a chunga mihriem um hi ka siem bawk a, keimân ka kut ngei hin vân ka keiphar a, a sipaihai chu thu ka pêk bawk a nih.

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

ISAI 48:13

Anih, ka kut hin leihnuoi innghatsan chu a phûm a, ka kut changtieng hin vânhai khi a keiphar a; ka ko phingleh an ngîr khâwm hlak.

ISAI 57:16

Kumkhuoin ka do âwm si naw a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

JEREMIA 10:12

A thilthawtheina chun hnuoi chu a siem a, a varna chun khawvêl chu a lo tungding ta a, a hrietthiemnahai chun vânhai khawm chu a lo keiphar ta a;

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 38:16

Chuongchun, lal Zedekia chun inrûkin Jeremia kuoma chun ân tiemkam ta a, “Lalpa ei hringnahai siemtu chu a hring zing angin, sukhlum naw ning che a, hieng i hringna zawngtuhai kuoma hin pe bawk naw ning che,” a ta.

EZEKIEL 18:4

Ngai ta, thlarau po po chu ka ta an na, pa hringna chu ka ta a ni ang bawkin, naupa hringna khawm chu ka ta a nih; thlarau thil suksuoltu chu thîng a tih.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

AMOS 9:6

vâna a pindanhai siem a, hnuoi chunga pindan inkuol siem a, tuisuoriet tuihai ko a, hnuoi chunga bunthlatu, a hming chu Lalpa a nih.

ZEKARIA 12:1

Israel chungthua Lalpa thu phurrik chu, Vânhai chu keiphar a, leihnuoi lungphûmhai chu phûm a, mihriem chu a sûnga a thlarau siempêktu Lalpa chun hieng hin a tih:

THILTHAWHAI 17:24

Pathien, khawvêl le a sûnga thil po po siemtu chu, hnuoi le vân lal a ni leiin, kuta bâwl inhaiah a um nawh.

THILTHAWHAI 17:25

Thil tlasam angin mihriem kuta rawngbâwlpêkin a um bawk nawh. Ama ngei chu iengkim kuoma hringnahai, inthuoknahai, le thil po po petu chu a ni lem.

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.