ISAI 42:24 - Pathien Lekhabu Inthieng (BSI)

²⁴ Tuin am Jakobhai râllâka la dinga pe a, Israelhai inruhai kuoma pe chu? Lalpa a chunga thil ei suksuolna chun a pêk a ni naw am a nih? a lampuiahai an fe nuom si naw a, an dân thu hlak an awi si nawh.

ISAI 42:24 ပူးပေါင်းရင်းမြစ်များ

2 CHANCHIN SUINA 15:6

A tum tumin an insukdar vawng a, hnam chungah hnam dang, khawpui chungah khawpui dang; inhmêlmâkna tinrêngin Pathienin anni chu a suklungsen tâwl si a.

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

INPÂKNA HLABU 81:13

Aw, ka mihai hin ka thu ngaiin, Israelhai hi ka lampuia hin fe hai sien chu aw!

ISAI 30:15

Lalpa PATHIEN, Israelhai Mi Inthieng chun hieng ang hin a hril ta si a, “Kîr nâwka châwla umin sandamin um in ta; muongtaka umnaa le ringtaka umnaa hin in hrâtna um a tih,” tiin, nisienlakhawm, in nuom si nawh.

ISAI 42:23

Nangni lai hin chuonga chun tu am na sit ding um cheu chu? Hun la hung tlung dinga ngaia hre ding tu am in um a?

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 57:17

A duâm khawhlona leiin ka lunginsen a, ka vuok a, ka hmai ka hip a, ka lung a sen a nih; ama hlak chu a lungril um dân pângngaihaiah kâwmâwtakin a um pei a.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw ta a.

JEREMIA 44:10

Vawisûn ni chen khawm hin an insukhnuoi naw a, an ṭi bawk naw a, ka dân khawm chu an zâwm bawk naw a, ka thuruothai khawm chu an hraw nawh; chuong in thlatuhai le nangni hma ngeia ka lo sie tahai kha.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, Lalpa chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

ṬAP HLA 1:14

Ka bawsietnahai chu rîngkawlah a khitde a, Ama kuthai ngeiin a khit têl a; Ka rîngah ân bâttir a, ka hrâtna a châu ta a, Ka ido zo lohai kutah Lalpa chun a mi pêk ta a.

ṬAP HLA 1:18

Lalpa chu a fel a nih; a thupêk dodâlin ka hel si a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâlhai chu salah an fe ta a.

DANIEL 1:2

Chun, Juda lal Jehoiakim chu Pathien ina bûr le bêl ṭhenkhat leh Lalpa chun ama kuta chun a pêk tah a; Sinar rama a pathien ina chun a lâk a, chuong bûr le bêlhai chu a pathien sum ina chun a hung lâk ta a.

AMOS 3:6

Khawpuiah tawtawrâwt an mûtin, mi ṭi lovin an um hlak am a nih? Lalpa thaw lo chun khawpuia chun sietna a tlung thei ding am a nih?

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

DÂN PAHNINA 28:49

Hlataka inthawk, kâwlkawdawnga inthawkin nangni thaw ding hnam Lalpain mupui bir angin hung tir a ta, an ṭawng khawm in hriet naw hnam;

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, Lalpain anni ân hlân a ni si naw chun?

RORELTUHAI 10:7

Chuongchun, Lalpa chu Israelhai chunga chun a lunginsen hle el ta a, Philistin mihai le Ammon mihai kuomah a zawr ta a.

RORELTUHAI 2:14

Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 3:8

Chuongchun, Lalpa chu Israelhai chunga chun a lunginsen ta a, Mesopotamia ram lal Kushan-risathaim thu hnuoia chun kum riet an um a.