ISAI 42:22 - Pathien Lekhabu Inthieng (BSI)

²² Nisienlakhawm, hieng mihai hi rûkru inrûkpêk le rawk tuok mi an na; khurhaia tla an ni vawng a, intângna inahai khum hmang an na; sal ding an na, tukhawma an sanhim si naw a; râllâka lâk ding an na, tukhawma, “Pe nâwk rawh,” an ti si nawh.

ISAI 42:22 ပူးပေါင်းရင်းမြစ်များ

INPÂKNA HLABU 102:20

Mi intâng inrûm chu ngai ding le, Thi dinga ruothai chu sût dingin.

INPÂKNA HLABU 50:22

Nangni Pathien theinghiltuhai, hi hi ngaituo ta u khai! Chuong naw chun, keinâwi ka ti cheu a, nangni sanhimtu hrim an um âwm si nawh a.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 14:17

khawvêl thlalêr anga siem a, a khaw umhai sukbohmang a, a salhai an in tienga fe dinga insuo ngailo chu,’ tiin, i chanchin la sût an tih.

ISAI 18:2

Thangko hrâttakhai, hnam insâng thler thlawr innâmtak kuomah, an suok phuta inthawka tu chena mi ṭiumtakhai kuoma chun fe ro; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 24:18

Chuongchun, ṭitum ria inthawka tlânhmang chu khura chun tlâng a ta; khur sûnga inthawka hung suok chu chângah âwk a tih; chungtienga tukverhai chu hawngin a um si a; leihnuoi innghatsan chu ân hnîng bawk a nih.

ISAI 24:22

Chun, mi intânghai khursûnga ṭhuoi khâwma an um angin chuonghai chu ṭhuoi khâwmin um an ta, intângna ina khumin um an ta, ni sâwttak hnunga chun hremin um an tih.

ISAI 24:3

Hnuoi hi sukruok fai dêr le, suksiet fai dêrin um a tih; chu thu chu Lalpain a hril ta si a.

ISAI 36:1

Chun, lal Hezekia kum sâwmpalina kuma chun, Assuria ram lal Sennakerib chu Juda rama khuo kulpui neihai po po chu thaw dingin a hang fe a, a lâk ta a.

ISAI 42:23

Nangni lai hin chuonga chun tu am na sit ding um cheu chu? Hun la hung tlung dinga ngaia hre ding tu am in um a?

ISAI 42:7

mitdelhai mit sukvar ding le, mi intânghai intângna ina inthawka ṭhuoi suok ding le, inthim laia ṭhunghai intângna ina inthawka ṭhuoi suok dingin.

ISAI 45:13

Kura chu felna neiin ka keihar a, a lampuihai po po chu suktlûn ka tih; ama chun ka khawpui chu siem nâwk a ta, an intlanna man dit lei ni lovin, lâwmman dit lei ni bawk lovin, ka salhai chu insuoktir a tih, sipaihai Lalpain a tih,” tiin.

ISAI 5:29

An ri inri dur dur chu sakeibaknei inrûm ang el nîng a ta, sakeibaknei vânglaihai inhûk ang elin inri dur dur an tih; anih, inri dur dur an ta, an sa se ding chu sêng an ta, himtakin fe hmangpui an tih, sansuoktu ding tukhawm um naw ni hai.

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

ISAI 56:9

Ram sa po pohai, anih, ramhnuoia sa um po pohai, fa dingin hung ro.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 52:31

Chun, Juda ram lal Jehoiakin sala ân tâng kum sâwmthum pasarina, thla sâwm pahnina, chu thla ni sâwmhni panga ni chun Evil-merodak Babulon lal ân lal kum, kum khatnaa chun Juda lal Jehoiakin lu chu a dawm kâng a, lung ina inthawk chun a hung ṭhuoi suok ta a;