ISAI 42:21 - Pathien Lekhabu Inthieng (BSI)

²¹ Dân chu a felna leia sukliena suk- inzaum chu Lalpa chun ṭha a ti a.

ISAI 42:21 ပူးပေါင်းရင်းမြစ်များ

INPÂKNA HLABU 138:2

I biekin inthieng tieng nghain chibai bûk ka ti che a, I ngilneina le i thutak leiin i hming inpâk ka tih. I thu chu i hming hrim hrim nêk chun i chawisâng ta si a.

INPÂKNA HLABU 40:8

Aw ka Pathien, i dit zâwng thaw hi ka lâwm zâwng tak a nih: Anih, i dân thu chu ka lungrilah a um zing ie,” ka ta.

INPÂKNA HLABU 71:16

Lalpa Pathien thilthaw ropuitakhai leh hung ka ta, I felna, nanga felna thu chau hril ka tih.

INPÂKNA HLABU 71:19

Aw Pathien, i felna khawm ân sâng êm êm a nih, Aw Pathien, nang thil ropuitakhai thawtu, Nangma ang hi tu am an um a?;

ISAI 42:4

Hnuoia hin rorêlna ân umtir hmakhat chun ama chu châu naw ni a, beidawng bawk naw nih; chun, thlierkârhai chun a dân thu chu nghâk zing an tih.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni si a, mi tin enna dingin ka rorêlna chu inchâwltir ka tih.

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 3:15

Nisienlakhawm, Isûn a kuomah, “Tuhin remti hrâm rawh, hieng anga felna po po sukkim hi ei ta dingin a mawi a nih,” tiin a dawn a. Chuongchun, rem a ti ta a.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 8:29

A mi tirtu chu ka kuomah a um, a mi thlâthlam nawh; a thil lâwm zâwng taphawt ka thaw pei hlak leiin,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:4

Krista chu ama ringhai po ta dingin felna an hmu theina dinga Dân suktâwpna a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:31

Anleh, ringna lei ngawtin Dân chu iengkhawm ni lovin ei siem el am a nih? Teu lo e! Dân chu ei sukdet lem hman a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:12

Chuongchun, Dân chu ân thieng a, thupêk khawm chu ân thieng a, a fel a, a ṭha a nih.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

GALATI 3:21

Annawleh, Dân chun Pathien thutiemhai chu a kal am a nih? Teu lo e a! Dân mi sukhringthei hrim hrim pêkin a um ta si chun, felna chu Dân leiin a um ngei ding a nih.

DÂN PAHNINA 4:6

Chuongchun, pawm unla zâwm ro; chu tak chu, hieng dân po po hi hre a, ‘Hi hnam ropuitak hi mi vartak le thil hre mi tak an ni phawt el,’ titu hnamhai mithmua chun in varna le thil hre mi in nina nîng a tih.

DÂN PAHNINA 4:8

Hieng ang lâwma fel, dânhai le rorêlhai, tuta in hmaa ka zam po po ang dân nei hi hnam ropui dang tu am an um ve a?

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih: