ISAI 42:16 - Pathien Lekhabu Inthieng (BSI)

¹⁶ Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 42:16 ပူးပေါင်းရင်းမြစ်များ

INPÂKNA HLABU 94:14

Lalpa chun a mihai a pei thlâk âwm si naw a, A rochan chu mâksan bawk naw nih.

THUHRILTU 1:15

A kâwi ta hlak chu siem tlûn thei a ni naw a, Chun, a um naw hlak tiem el thei a ni hliek naw a.

THUHRILTU 7:13

Pathien sinthaw chu ngaituo ta; A kâwia a siem ta chu tuin am suktlûn thei a ta?

ISAI 26:7

Mi fel lampui chu indikna a na, nang lungril indiktak put chun mi fel lampui chu i sukruol hlak.

ISAI 29:18

Chu nia chun nasêthai chun lekhabu thu chu nain hre tâng an ta, mitdelhai mithai chun inthim hnuoi le inthim laia inthawkin hmu tâng an tih.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu inchûktir tâng an tih,” tiin.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 32:3

Chuongchun, hmutuhai mit chu fie naw naw ni a, hretuhai na chun ngai a tih.

ISAI 35:5

Chu pha chun mitdelhai mit chu sukmengin um a ta, nasêthai na chu sukvarin um a tih.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 40:4

Ruom tin suksâng ni vawng a ta, tlâng tin, muol tin sukhnuoi ni bawk a tih; lampui kâwihai chu suktlûn nîng an ta, ân ṭum nawna laihai chu sukruol ni bawk a tih;

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ISAI 41:3

Ama chun annirawi chu a hnawt a, himtakin a fe pei a, a kea a la fena ngai naw lampuia chun,

ISAI 45:2

“Kei i hmaah fêng ka ta, ân ṭumnawnahai chu sukruol ka tih, dâr kawtkhârhai chu sukse rem rum ka ta, a kalna thîr tluonhai chu sukbawng ka tih;

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

ISAI 48:17

Lalpa, nangni intlantu, Israelhai Mi Inthieng chun hieng ang hin a tih, “Kei hi Lalpa in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

ISAI 52:12

Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 58:10

phîngṭâmhai kuoma i dit zâwng pe a, sukrinuma umhai i suktlai bawk chun, i var chu inthim lai chun var suok a ta, în thimna chu sûn ang el ni tâng a tih.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

EZEKIEL 14:23

An um dânhai le an thilthawhai i hmu pha chun sukthlamuong an ti che a, a sûnga ka ithaw tahai po po chu a san um lovin ka thaw nawh ti hre tâng in tih,’ Lalpa Pathien chun a tih,” tiin.

HOSEA 2:14

Chuleiin, ngai ta, thlêm ka ta, thlalêrah ṭhuoi ka ta, Bau ṭhatakin ama chu bieng ka ta,

HOSEA 2:6

Chuleiin, ngai ta, i lampui chu hlingin hruk ka ta, Ama dang dingin dai sak ka ta, A lampuihai chu hmu naw nih.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluongtirtu chu, ama chu zawng unla, a hming chu Lalpa a nih,

LUKA 3:5

Ruom tin sung sip ni vawng a ta, Tlâng tin, muol tin sukhnuoi ni bawk a tih. Lampui kâwihai hung tlûn a ta, Lampui inṭumnawhai hung inruol bawk a tih;

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti che a, mâksan ngai naw bawk ka ti che,” a ti si a.

JOSUA 3:4

Amiruokchu, nangni le chu inkâr chu inkhia tawng sâng hni amanih a ni ding a nih; hnai hlek naw ro, chuongchun, in fena ding lampui chu hre thei in ta, kha hma khan hi lampui hi in la hraw ngai si naw a,” tiin, mipuihai chu thu a pêk a.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.