ISAI 41:24 - Pathien Lekhabu Inthieng (BSI)

²⁴ Ngai ta u, iengkhawm in lo ni naw hi, in thil thaw khawm iengkhawm a ni bawk nawh, nangni thlangtuhai cheu chu mi tirdakumtak an ni hi.

ISAI 41:24 ပူးပေါင်းရင်းမြစ်များ

INPÂKNA HLABU 115:8

Chuong siemtuhai chu chuong ang bawk chun um an ta, Anih, chuong ringtu taphawthai chu.

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

THUVARHAI 3:32

Khêlinhlipna hi Lalpa ngaia chun tirdakum a ni si a. A thurâwn ruok chu mi tluong kuomah a um.

ISAI 37:19

an pathienhai chu meiah an pei bawk a; chuonghai chu Pathien an ni naw hrim a nih; mihriem kuta siem, thing le lung an ni lem; chuleichun, an sukbohmang a nih.

ISAI 41:29

En ta u, an rêngin, an sinthawhai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

JEREMIA 10:14

Mi tin el chu ngawngtak, hrietna nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, annia chun inthuokna a um si naw a.

JEREMIA 10:15

Thil teplo, sinthaw nuizatum an nih; hrem an ni pha chun bohmang an tih.

JEREMIA 10:5

Leipuia vate ṭi milim ang an na, nisienlakhawm, an ṭawng naw a; an fe thei naw leiin zâwn an ngai a. Anni chu ṭi naw la, thil suol khawm an thaw thei naw a, annia chun thil ṭha thawna ding khawm a um bawk nawh.

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

DÂN PAHNINA 27:15

“‘Themthiemhai kutsuok Lalpa ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

DÂN PAHNINA 7:26

In in sûngah thil tirdakum la lûtin chu thil ang chun ṭawngsephurah in insiem ding a ni nawh; tirdakum namên lova tirdakin in theida hle ding a nih, ṭawngsephur thil a ni si a.

THUPUONGSUO 17:5

A bâwka chun thurûk, “BABULON KHAW ROPUI, HNUOIA NAWCHIZAWRHAI LE THIL TIRDAKUMHAI NU,” tia hming ziek a um a.