ISAI 41:23 - Pathien Lekhabu Inthieng (BSI)

²³ Pathien in nih ti kan hriet theina dingin hi hnunga thil hung tlung dinghai chu hril ro le, anih, kan lunginzîngna ding le kan en sengna dingin, thil ṭha amanih, thil ṭha naw amanih thaw ro le,

ISAI 41:23 ပူးပေါင်းရင်းမြစ်များ

ISAI 19:12

I mi varhai chu khâw lai am? Anni chun hril nghâl raw hai se che; Aigupta ram chunga thil tlung ding, sipaihai Lalpa ruothai chu, hre raw se.

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 43:9

Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 45:3

chun, Lalpa, i hminga kotu che, Israelhai Pathien ngei chu ka nih ti i hriet theina dingin inthim laia rohai chu pêng ka ti che a, hmun fienrielhaia sum thuphmanghai khawm chu pêng ka ti che.

ISAI 46:7

An liengkoah an put a, an fepui a, a hmun dinga chun an sie hlak a, a ngîr ta zing a, a umnaa inthawk chun insawn ta naw nih: anih, miin ama chu ko an ta, nisienlakhawm, dawn thei si naw ni a, an lunginzîngnaa inthawkin sansuok thei chuong naw ni.

JEREMIA 10:5

Leipuia vate ṭi milim ang an na, nisienlakhawm, an ṭawng naw a; an fe thei naw leiin zâwn an ngai a. Anni chu ṭi naw la, thil suol khawm an thaw thei naw a, annia chun thil ṭha thawna ding khawm a um bawk nawh.

DANIEL 2:9

Nisienlakhawm, mang chu in mîn hriettir naw chun, in ta dingin dân pakhat chau a um a nih: hun a hung inthleng hmakhat chu ka hmaa hin thu sie le khêl hril dingin in inbuotsai a ni si a; chuleiin, mang chu mi hril unla; chun mang chu a hrilfiena in mîn entir thei ngei a nih ti ka hriet ding annâwm,” a ta.

JOHAN 13:19

Hi hi a hung tlung hmain tuhin ka hril cheu hi, a hung tlung phaleh, kei kha ka nih ti in ring theina dingin.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.