ISAI 41:18 - Pathien Lekhabu Inthieng (BSI)

¹⁸ Tlâng insâng kawl vel vula chun vadunghai inluong suoktir ka ta, ruom laiahai chun tuihnârhai insuoktir bawk ka tih; thlalêr chu dîlah siem ka ta, ram ṭâwl chu tuihnârah siem bawk ka tih.

ISAI 41:18 ပူးပေါင်းရင်းမြစ်များ

INPÂKNA HLABU 104:10

Nang chun vadung ruomhaia dâm chun tuihnârhai i tir suok a, Tlânghai kâra chun an luong a.

INPÂKNA HLABU 105:41

Lungpui chu a hawng a; chuongchun, tui a hung suok zur zur a, Hmun ṭâwlahai chun vadung ang el hin a luong ta a.

INPÂKNA HLABU 107:35

Thlalêr chu dîlah ân changtir hlak a, Ram ṭâwl chu tuihnârahai ân changtir bawk hlak.

INPÂKNA HLABU 126:4

Aw Lalpa, sala kan intâng hi mi ṭhuoi kîr nâwk la, Sim rama vadunghai angin,

INPÂKNA HLABU 46:4

Vadung pakhat a um a, chu kau chun Pathien khawpuihai chu a suklâwm hlak, Achunghnungtak umna hmun inthieng chu.

ISAI 12:3

Chuleiin, sandamna tuikhura inthawk chun hlimtakin tui la chawi in tih.

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 33:21

Chutaka chun Lalpa, vadung lientak tak le, vadungtêhai um nghên nghuonna hmun chu, ropuitakin ei kuomah um lem a tih; chuong tui chunga chun indona lawng lientak kheraval nei mi hrim hrim fe naw ni a, lawng lien ropuitak khawma fe khêl bawk naw nih.

ISAI 35:1

Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 48:21

Thlalêrahai chun a ṭhuoi lai khan an dang a châr naw a; lungpuia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 65:13

Chuleiin, Lalpa Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

ZEKARIA 14:8

Chun, chu nia chun tui hringhai Jerusalema inthawkin hung suok a ta; a chenve chu saktieng tuipuiah, a chenve chu thlangtieng tuipui-ah, nipui lai le thlasik huna khawm a ni ding a nih.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.

RORELTUHAI 15:19

Chuongchun, Pathien chun Lehi hmuna khur um chu a hung sukkak phuk a; chun, tui a hung inchik suok ta a; chu chu a hang dâwn chun a lungril a hung hrât nâwk ta a, a hung har ta huoi a, chuongchun, chu hminga chun En-hakkore an ti ta a, tu chen hin Lehi hmuna chun a la um zing a nih.